عىلىم-ءبىلىم بەرۋ ورتالىقتارى اراسىنداعى ءوزارا بايلانىستى ارتتىرۋ ماقساتىندا الماتىعا كەلگەن قحر مەملەكەتتىك كەڭەسى ۆيتسە-پرەمەرى ليۋ گوچجۋن باستاعان ۇكىمەتتىك دەلەگاتسيا قازاق ۇلتتىق اگرارلىق زەرتتەۋ ۋنيۆەرسيتەتىندە بولىپ, عىلىمي-يننوۆاتسيالىق قىزمەتىمەن تانىستى.
كەزدەسۋگە اۋىل شارۋاشىلىعى ۆيتسە-ءمينيسترى ەربول تاسجۇرەكوۆ قاتىسىپ, ەكى ەلدىڭ اراسىنداعى عىلىمي جانە ءبىلىم بەرۋ قارىم-قاتىناستارىن دامىتۋعا ۇلكەن اسەر ەتەتىن نەگىزگى باعىتتاردى دامىتۋدىڭ ماڭىزىنا توقتالدى.
KazNARU باسقارما توراعاسى-رەكتور, ۇعا پرەزيدەنتى اقىلبەك كۇرىشباەۆ قازاقستان قىتايدىڭ ورتالىق ازياداعى سەنىمدى سەرىكتەسى بولىپ تابىلاتىنىن جانە ء«بىر بەلدەۋ – ءبىر جول» باستامالارىن قولدايتىنىن, وندا كورشى ەلدەر ءتۇرلى باعىتتار بويىنشا, ونىڭ ىشىندە اگرارلىق سالادا جەمىستى ىنتىماقتاساتىنىن اتاپ ءوتتى.
«KazNARU ءوزارا ءتيىمدى ىنتىماقتاستىقتى دامىتۋدا جەتەكشى ءرول اتقارادى جانە اوك سالاسىندا تەرەڭ وڭدەۋ, سۋ رەسۋرستارىن ءتيىمدى باسقارۋ, وڭىرلىك ازىق-ت ۇلىك قاۋىپسىزدىگى, كليماتتىق وزگەرىستەردىڭ سالدارىمەن كۇرەسۋ بويىنشا كوپتەگەن اۋقىمدى عىلىمي جوبالاردى ىسكە اسىرادى. بۇگىنگى تاڭدا KazNARU قحر - دىڭ 20-دان استام جەتەكشى ۋنيۆەرسيتەتتەرىمەن ءبىلىم بەرۋ باعدارلامالارى مەن بىرلەسكەن عىلىمي زەرتتەۋلەردى ىسكە اسىرۋ بويىنشا شارتتارعا قول قويدى. ونىڭ ىشىندە ءبىزدىڭ سەرىكتەستەرىمىز: قىتاي اگرارلىق ۋنيۆەرسيتەتى (پەكين), قىتايلىق Dayu Irrigation Group كومپانياسى, لانجوۋ ۋنيۆەرسيتەتى, حەنان اۋىلشارۋاشىلىق ۋنيۆەرسيتەتى, سىچۋان اۋىلشارۋاشىلىق اكادەمياسى, سولتۇستىك-باتىس اۋىل شارۋاشىلىعى جانە ورمان شارۋاشىلىعى ۋنيۆەرسيتەتى, لانچجوۋ ۆەتەرينارلىق عىلىمي-زەرتتەۋ ينستيتۋتى بار», دەپ اتاپ ءوتتى اقىلبەك قاجىعۇل ۇلى.
قىتايدىڭ اۋىلشارۋاشىلىعىن دامىتۋداعى تاجىريبەلىك جەتىستىكتەرىن پايدالانا وتىرىپ, قىتاي تەحنولوگياسىن ەنگىزۋ ارقىلى ەكولوگيالىق تازا ءونىم الۋعا, ونى ەكسپورتتاۋعا ارنالعان بىرلەسكەن تەحنوپارك قۇرۋمەن قاتار قحر جوعارى ءبىلىم بەرۋ سالاسىنداعى جەتەكشى وقۋ ورنى – قىتاي اگرارلىق ۋنيۆەرسيتەتىنىڭ (ساU) KazNARU بازاسىندا فيلالىن قۇرۋ. رەكتور اتالعان فيليالدىڭ اشىلۋى ەكى ەلدىڭ عالىمدارىنا اوك وزەكتى ماسەلەلەرى بويىنشا بىرلەسكەن عىلىمي زەرتتەۋلەر جۇرگىزۋگە, جاڭا تەحنولوگيالار ترانسفەرتىن جۇزەگە اسىرۋعا, باسەكەگە قابىلەتتى مامانداردى دايارلاۋعا مۇمكىندىك بەرەدى.
بۇگىندە اسپان استى ەلىمەن قازاقستانداعى سۋدى ۇنەمدەۋ, سۋ رەسۋرستارىن تسيفرلىق باسقارۋ باسقارۋ بويىنشا اۋقىمدى (مەگا گرانت) جوباسىن بىرلەسە جاساۋ وتە وزەكتى. سۋ رەسۋرستارىن تيىمدىرەك باسقارۋ ءۇشىن زاماناۋي تاسىلدەر مەن تسيفرلاندىرۋدى دامىتۋدىڭ قاجەتتىلىگىن, سونداي-اق قازاقستان اۋماعىندا جانە وعان ىرگەلەس وڭىرلەردە سۋ تاسقىنىن ۇزاق مەرزىمدى بولجاۋداعى وزەكتى ماسەلەلەر بار.
سونىمەن قاتار ۆەتەريناريا عىلىمى سالاسىندا بىلىكتى كادرلاردى بىرلەسە دايىنداۋ, ۆەتەريناريا عىلىمى بويىنشا قازاق-قىتاي بىرلەسكەن حالىقارالىق جوبالارىن باستاۋ, ۋنيۆەرسيتەت بازاسىندا «ۆەتەريناريالىق عىلىمي زەرتحانا» مەن «قازاق-قىتاي اقىلدى اۋىلشارۋاشىلىق ورتالىعىن» قۇرۋ, ەكى ەل اراسىنداعى وزىق ۋنيۆەرسيتەتتەر اراسىندا ىنتىماقتساتىقتى دامىتۋ سياقتى كوپتەگەن ماسەلەلەر قاراستىرىلدى.
ءوز كەزەگىندە قحر مەملەكەتتىك كەڭەسىنىڭ ۆيتسە-پرەمەرى ليۋ گوچجۋن قىتاي مەن قازاقستان اراسىنداعى ىنتىماقتاستىقتى دامىتۋدىڭ وڭ ديناميكاسىن اتاپ ءوتتى, سونداي-اق ەكى ەل اراسىنداعى عىلىم جانە ءبىلىم بەرۋ بايلانىستارىن تەرەڭدەتۋدىڭ ءتيىمدى تەتىكتەرىن بىرلەسە ىزدەۋدى جانە ىسكە اسىرۋدى جەدەلدەتۋگە نيەت ءبىلدىردى.
وسى كەزدەسۋ بارىسىندا حالىقارالىق ۆاكتسينولوگيا ورتالىعىنىڭ ديرەكتورى قايسار تابىنوۆ جۋسان توزاڭىنان تۋىنداعان اللەرگيالىق رينيت پەن وكپە دەمىكپەسىنىڭ يممۋنوتەراپياسىنا ارنالعان بىرەگەي PollenVax ۆاكتسيناسىن تانىستىردى.
قىتاي دەلەگاتسياسى KazNARU عىلىمي-يننوۆاتسيالىق ينفراقۇرىلىمىمەن تانىسىپ, الداعى ۋاقىتتا ارىپتەستىكتى دامىتۋعا قىزىعۋشىلىق ءبىلدىردى.
الماتى