اقتاۋ. 13 قاڭتار. اقتاۋ قالاسىندا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى ماڭعىستاۋ وبلىسى بويىنشا دەپارتامەنتىنىڭ ۇيىمداستىرۋىمەن «ءبىزدىڭ مىندەت – حالىققا قىزمەت» اتتى فورۋم ءوتتى. بۇل تۋرالى egemen.kz ءتىلشىسى حابارلادى.
فورۋمنىڭ ماقساتى پرەزيدەنتتىڭ «نۇرلى جول – بولاشاققا باستار جول» اتتى جولداۋىن جانە 2015-2025 جىلدارعا ارنالعان سىبايلاس جەمقورلىققا قارسى ستراتەگيانىڭ تالاپتارىن, سونداي-اق جاڭا قۇرىلعان ورگاننىڭ نەگىزگى اتقاراتىن مىندەتتەرى تۋرالى ءتۇسىندىرۋ جۇمىسىن جۇرگىزىپ, «نۇر وتان» پارتياسىنىڭ ماڭعىستاۋ وبلىستىق فيليالىمەن جانە «ماڭعىستاۋ وبلىسىنىڭ ازاماتتىق اليانسى» زتب-مەن سىبايلاس جەمقورلىققا قارسى ءىس-قيمىل سالاسىنداعى ءوزارا ىنتىماقتاستىق تۋرالى مەموراندۋمعا قول قويۋ.
دەپارتامەنت باسشىسى م. نالىباەۆ جاڭادان قۇرىلعان دەپارتامەنتتىڭ نەگىزگى مىندەتتەرى مەن كەلەشەكتە اتقاراتىن قىزمەتى بويىنشا ءتۇسىندىردى. سونداي-اق دەپارتامەنت باسشىسىنىڭ ورىنباسارى – تارتىپتىك كەڭەستىڭ توراعاسى م. قادىربەك لەپارتامەنتتىڭ مەملەكەتتىك قىزمەتتى وتكەرۋ, تارتىپتىك-اكىمشىلىك تاجىريبە, مەملەكەتتىك قىزمەت ساپاسىن باقىلاۋ سالاسىنداعى جۇمىستىڭ نەگىزگى باعىتتارى تۋرالى جانە جۇمىستاعى جاڭا باعىتتار – سىبايلاس جەمقورلىق قاتەرلەردى باعالاۋ مەن سىبايلاس جەمقورلىققا قارسى ساۋاتتاندىرۋ تۋرالى ايتىپ بەرسە, مەكەمە باسشىسىنىڭ ورىنباسارى د. ومارعاليەۆ جاڭا قۇرىلعان سىبايلاس جەمقورلىققا قارسى ءىس-قيمىل ورگانىنىڭ قىزمەتىنە قاتىستى قىلمىستىق جانە قىلمىستىق ءىس جۇرگىزۋ كودەكسىنىڭ نورمالارىمەن تانىستىردى.
دەپارتامەنت پەن «نۇر وتان» پارتياسىنىڭ ماڭعىستاۋ وبىلىستىق فيليالى, سونداي-اق ماڭعىستاۋ وبلىسىنىڭ «ازاماتتىق اليانسى» زتب ءوزارا سىبايلاس جەمقورلىق سالاسىنداعى بىرلەسكەن ءىس-قيمىل تۋرالى مەموراندۋمعا قول قويدى.
گۇلايىم شىنتەمىرقىزى.
دەرەك, سۋرەت. egemen.kz.