وسى كۇندەرى قىزىلوردا وبلىسىندا «قۇقىقتىق ءتارتىپ» جەدەل-پروفيلاكتيكالىق ءىس-شاراسى جۇرگىزىلىپ جاتىر, دەپ حابارلايدى Egemen.kz.
ونىڭ اياسىندا قازاقستان رەسپۋبليكاسى ءىىم ەسىرتكى قىلمىسىنا قارسى ءىس-قيمىل دەپارتامەنتى, وبلىستىق پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسى, قارماقشى اۋداندىق پوليتسيا ءبولىمى, قر ءىىم ۇلتتىق ۇلاننىڭ «بۇركىت» اج بىرلەسىپ جۇرگىزگەن شارا ناتيجەسىندە قارماقشىلىق تۇرعىننىڭ ۇيىنەن اسا ءىرى مولشەردە ەسىرتكى مەن قۇجاتسىز قارۋ تاپتى.
تۇرعىننىڭ قوراسىنان تابىلعان 1 قاپقا جانە 3 پوليەتيلەن پاكەتكە سالىنعان وزىنە ءتان ءيىسى بار جاسىل ءتۇستى ءشوپ ساراپتاما قورىتىندىسىندا 10 كەلىدەن استام كەپتىرىلگەن ماريحۋانا ەكەندىگى انىقتالدى. قۇجاتى جوق 16-كاليبرلى اڭشى مىلتىعى مەن 47 دانا پاترون دا ءيىسشىل يت كومەگىمەن تابىلدى.
قازىر كۇدىكتى قاماۋعا الىنىپ, تەرگەۋ جۇرگىزىلىپ جاتىر.