الماتى وبلىسىنداعى تۇزەۋ مەكەمەسىندە زاڭ بۇزۋشىلىقتار انىقتالدى

قاداعالاۋ ورگانىنىڭ حابارلاۋىنشا, سوتتالعاندار بۋكمەكەرلىك كەڭسەلەر مەن ونلاين كازينولار ارقىلى ونلاين-ساتىپ الۋ, نەسيە راسىمدەۋ جانە قۇمار ويىندارعا قاتىسۋ ءۇشىن ۇيالى تەلەفونداردى پايدالانعان, ولاردىڭ جالپى اينالىمى ءۇش ميلليارد تەڭگەدەن استى.

«سوتتالعان №10 مەكەمە ۇيالى قۇرىلعىلاردى پايدالانا وتىرىپ, تىيىم سالىنعان جانە رۇقسات ەتىلگەن زاتتاردى تىكەلەي مەكەمە قابىرعاسىندا ساۋدالاعان. وسى فاكتىگە بايلانىستى الماتى وبلىسىنىڭ پروكۋراتۋراسى 361-باپتىڭ 2-ءبولىمى بويىنشا سوتقا دەيىنگى تەرگەۋ جۇرگىزدى. قازاقستان رەسپۋبليكاسى قىلمىستىق كودەكسىنىڭ 1-بابى («قىزمەتتىك وكىلەتتىكتەردى تەرىس پايدالانۋ») بويىنشا ىلە اۋداندىق سوتى اتالعان مەكەمەنىڭ ءۇش قىزمەتكەرىن ءتۇرلى جازاعا كەستى», دەپ حابارلادى پروكۋراتۋرا.

سونىمەن قاتار وبلىس پروكۋراتۋراسى №12 جانە №57 مەكەمە قىزمەتكەرلەرىنە قاتىستى قىلمىستىق كودەكستىڭ 361-بابىنىڭ 2-1-بولىگى بويىنشا سوتقا دەيىنگى تەرگەۋ امالدارىن باستاپ, №57 مەكەمە باسشىسى قاماۋعا الىندى.

«انىقتالعان فاكتىلەر قىلمىستىق-اتقارۋ جۇيەسىندە, ونىڭ ىشىندە مەكەمە قىزمەتكەرلەرىنىڭ وزدەرىنىڭ قاتىسۋىمەن جۇرگىزىلىپ جاتقان زاڭ بۇزۋشىلىقتاردى كورسەتەدى», دەپ قوستى ۆەدومستۆو.

قىرمىزى جۇماعاليقىزى, 

ەۇۋ ستۋدەنتى