بيشىمباەۆتىڭ ءىسىن قاراعان سۋديا ايجان قۇلباەۆا ءالى دە كۇزەتپەن جۇرۋگە ءماجبۇر. بۇل تۋرالى جۋرناليستەرگە ارنالعان ەلوردالىق سوتتا وتكەن بريفينگتە ءمالىم بولدى, دەپ حابارلايدى Egemen.kz.
ەلوردالىق سوتتا وتكەن بريفينگتە باق-پەن ءوزارا ءىس-قيمىل جونىندەگى سۋديا-ۇيلەستىرۋشى الما ەسىموۆانىڭ ايتۋىنشا, قوقان-لوققىلارعا قاتىستى تەرگەۋ ءالى دە جالعاسىپ جاتىر.
ء«بىزدىڭ اقپاراتىمىز بويىنشا, سۋديا ايجان قۇلباەۆانى قورقىتۋ فاكتىسى بويىنشا تەرگەۋ جالعاسىپ جاتىر, ازىرگە سۋديانىڭ قانداي دا ءبىر شەشىم قابىلداعانى تۋرالى اقپارات جوق», دەپ ءتۇسىندىردى ەسىموۆا.
ەستەرىڭىزگە سالا كەتەيىك, بۇعان دەيىن استانا قالاسىنىڭ پوليتسيا دەپارتامەنتى سۋديا ايجان قۇلباەۆانى قورقىتۋ فاكتىسى بويىنشا قىلمىستىق ءىس قوزعاعان بولاتىن.
سونداي-اق جوعارعى سوت ينتەرنەت-كەڭىستىگىنە مونيتورينگ جۇرگىزۋ بارىسىندا سۋديا ايجان قۇلباەۆاعا قاتىستى قىلمىستىق قۇقىق بۇزۋشىلىق بەلگىلەرى بار كوپتەگەن تەرىس جاريالانىمدار انىقتالعانىن اتاپ ءوتتى.