قازاقستاندا بەنزين مەن ديزەلگە تاۋلىكتىك ليميت ەنگىزىلەدى

قر ەنەرگەتيكا مينيسترلىگىنىڭ جاريالانعان بۇيرىعىنا سايكەس قوسىلعان قۇن سالىعىن ەسكەرە وتىرىپ, مىناداي شەكتى باعالار بەلگىلەنگەن:

اي-80 ماركالى بەنزين – شەتەلدىك ازاماتتارعا 1 ليتر ءۇشىن 89 تەڭگە;

اي-92 جانە اي-93 ماركالى بەنزين – شەتەلدىك ازاماتتارعا 1 ليتر ءۇشىن 245 تەڭگە;

قازاقستاندا بەرىلگەن جۇرگىزۋشى كۋالىگىن كورسەتكەن كەزدە 1 تاۋلىگىنە 100 ليترگە دەيىنگى كولەمدە – 1 ليتر ءۇشىن 205 تەڭگە;

قازاقستاندا بەرىلگەن جۇرگىزۋشى كۋالىگىن جانە موتوتسيكلدەرگە, جەڭىل, جۇك, ارنايى, مامانداندىرىلعان اۆتوموبيلدەر مەن اۆتوبۋستارعا كولىك قۇرالىن تىركەۋ تۋرالى كۋالىكتى كورسەتكەن كەزدە 1 تاۋلىگىنە 300 ليترگە دەيىنگى كولەمدە – 1 ليتر ءۇشىن 205 تەڭگە;

قوسىلعان قۇن سالىعىن قوسقاندا ديزەل وتىنىنىڭ قۇنى:

ديزەل وتىنى (جازعى, ماۋسىمارالىق) – شەتەلدىك ازاماتتارعا 1 ليتر ءۇشىن 315 تەڭگە;

قازاقستاندا بەرىلگەن جۇرگىزۋشى كۋالىگىن كورسەتكەن كەزدە 1 تاۋلىگىنە 100 ليترگە دەيىنگى كولەمدە – 1 ليتر ءۇشىن 295 تەڭگە;

قازاقستاندا بەرىلگەن جۇرگىزۋشى كۋالىگىن جانە جۇك, ارنايى, مامانداندىرىلعان اۆتوموبيلدەر مەن اۆتوبۋستارعا كولىك قۇرالىن تىركەۋ تۋرالى كۋالىكتى كورسەتكەن كەزدە 1 تاۋلىگىنە 300 ليترگە دەيىنگى كولەمدە – 1 ليتر ءۇشىن 295 تەڭگە.

وزگەرىستەر كۇشىنە ەنگەننەن كەيىن ارزان باعامەن جانارماي قۇيۋدى قالايتىن قازاقستاندىقتار تاۋلىكتىك ءليميتتى باقىلاۋ ءۇشىن جانارماي قۇيۋ بەكەتىندە جۇرگىزۋشى كۋالىگى مەن تىركەۋ كۋالىگىن ۇسىنۋى قاجەت.