پاۆلودار. 11 قاڭتار. ەكىباستۇز قالاسىنىڭ اكىمى الەكساندر ۆەربنياك ۇلى وتان سوعىسىنا قاتىسقان تاتيانا بۋرماتوۆانى 95 جاسقا تولۋىمەن قۇتتىقتادى. بۇل تۋرالى egemen.kz ءتىلشىسى حابارلادى.
قالا باسشىسى ارداگەرگە اقشالاي سىياقى جانە گۇلدەر شوعىن تابىس ەتتى. تاتيانا ميحايلوۆنا 1920 جىلى سۆەردلوۆسك وبلىسىنىڭ بوگدانوۆيچ قالاسىندا تۋعان. 1941 جىلى مايدانعا اتتانادى. №1725-زەنيت-ارتيللەريا پولكىندا پۋلەمەتشى بولدى. سوعىستان كەيىن قازاقستانعا كەلىپ, تەلەگرافتا قىزمەت جاسادى. «1941-1945 ج.ج. ۇلى وتان سوعىسىندا گەرمانيانى جەڭگەنi ءۇشiن», «ادال ەڭبەگى ءۇشىن», «قاجىرلى ەڭبەگى ءۇشىن» مەدالدارىمەن جانە مەرەيتويلىق مەدالدارىمەن ماراپاتتالعان.
اكىمنىڭ ايتۋىنشا, قالادا تۇراتىن 25 سوعىس ارداگەرىنىڭ پاتەرلەرىن جوندەۋگە جالپى 18 ملن. تەڭگە قارجى جۇمسالىپتى.
فاريدا بىقاي.
دەرەك: egemen.kz.
سۋرەت: egemen.kz.