جەتىسۋ وبلىسىندا ەڭبەك جانە الەۋمەتتىك قورعاۋ كوميتەتى جەتىسۋ وبلىسى بويىنشا دەپارتامەنتىنىڭ ءبولىم باسشىسىنا قاتىستى سوتقا دەيىنگى تەرگەۋ جۇرگىزىلىپ جاتىر, دەپ جازادى Egemen.kz.
ول پارا الدى دەگەن كۇدىكپەن ۇستالعان بولاتىن.
رەسمي اقپارات بويىنشا ول مۇگەدەكتىكتى ۇزارتقانى جانە تاعايىنداعانى ءۇشىن 2-ءشى جانە 3-ءشى ساناتتاعى مۇگەدەكتەردەن دەلدالدار ارقىلى جۇيەلى نەگىزدە 20-دان 25 مىڭ تەڭگەگە دەيىن پارا الدى دەپ كۇدىكتەلۋدە.
– كىناسىن تولىق مويىنداۋىنا بايلانىستى سوت كۇدىكتىگە قاتىستى "ەلەكتروندىق بىلەزىكتى" قولدانۋ ارقىلى "ۇيقاماق" بۇلتارتپاۋ شاراسىنا سانكتسيالادى. تەرگەۋ جالعاسۋدا, – دەلىنگەن سىبايلاس جەمقورلىققا قارسى ءىس-قيمىل اگەنتتىگىنىڭ ۇسىنعان اقپاراتىندا.
قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.
كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكسىنىڭ 19-بابى 1-بولىگىنە سايكەس, قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.