اقتوبە. 10 قاڭتار. اقتوبەلىك پوليتسەيلەر «قاۋىپسىز جول» اكتسياسىنىڭ ءۇش كۇنىندە 21 ماس جۇرگىزۋشىنى ۇستادى. بۇل تۋرالى egemen.kz ءتىلشىسى حابارلادى.
وبلىس اۋماعىندا «قاۋىپسىز جول» جەدەل-پروفيلاكتيكالىق ءىس-شاراسى وتكىزىلۋدە. ءىس-شارانىڭ ماقساتى – وبلىس جولدارىندا كولىك اپاتىن ازايتۋ. ىشكى ىستەر دەپارتامەنتى اكىمشىلىك پوليتسيا باسقارماسىنىڭ قىزمەتكەرلەرى كۇشەيتىلگەن نۇسقادا قىزمەت اتقارۋدا. ءىس-شارا بارىسىندا ولار جول قوزعالىسى ەرەجەسىن ورەسكەل بۇزعانداردى, ونىڭ ىشىندە كولىكتى ماس كۇيىندە جۇرگىزگەندەردى انىقتاۋعا باعىتتالعان رەيدتەر ۇيىمداستىراتىن بولادى.
پروفيلاكتيكالىق ءىس-شارانىڭ ءۇش كۇنىندە اكىمشىلىك پوليتسيا ينسپەكتورلارى جول قاۋىپسىزدىگى ەرەجەلەرى بۇزىلۋىنىڭ 1287 فاكتىسىن تىركەدى. ونىڭ ىشىندە 21 جۇرگىزۋشى كولىكتى ماس كۇيىندە جۇرگىزگەن, 79-ى جىلدامدىقتى اسىرعان, 220 جۇرگىزۋشى كولىك باسقارۋ كەزىندە ۇيالى تەلەفون قولدانعان. سونداي-اق 149 جاياۋ جۇرگىنشى كوشەنى بەلگىلەنبەگەن جەرلەردەن ءوتىپ جول قاۋىپسىزدىگى ەرەجەلەرىن بۇزعان.
ساتىبالدى ءساۋىرباي.
دەرەك: egemen.kz.
سۋرەت: nur.kz.