كورسۋن - شەۆچەنكو وپەراتسياسى

...مويىنداۋ كەرەك, سول كەزدە ۋكراينانىڭ وسى كىشكەنتاي قالا­شى­­عىنىڭ اۋماعىندا بولعان شاي­قاس­تاردىڭ مولشەرى مەن ءمانىن ەلەس­تەتە الماعان ەكەنبىز. بىرنەشە جىلدان كەيىن اسكەري اكادەميانىڭ تىڭ­داۋشىسى بولعان كەزدە جانە ارحيۆ ماتەريالدارىن زەرتتەي وتىرىپ, مەن وتە ماڭىزدى وپەراتسياعا قاتىس­قا­نىم­دى ءتۇسىندىم.

كورسۋن-شەۆچەنكو وپەراتسياسىن ءبىرىنشى جانە ەكىنشى ۋكراين مايداندارىنىڭ اسكەرلەرى جۇرگىزدى. ولاردىڭ بولىمشەلەرى ءبىر ۋاقىتتا جاۋ توبىنا بىرىگىپ سوققى جاسادى. ءبىرىنشى ۋكراين ماي­دانى بەلايا تسەركوۆتەن وڭتۇس­تىك-شىعىسقا قاراي ارەكەت ەتتى. ەكىنشى ۋكراينا مايدانى – كي­رو­ۆو­­گرادتىڭ سولتۇستىگىنە قاراي.

فاشيستىك اسكەرلەردى قورشاۋ 1944 جىلدىڭ قاڭتار ايىنىڭ سو­ڭىن­دا باستالدى.

ۋكراينادا قىس سول جىلى ەرەكشە بولدى. ءجيى جاۋعان جاڭبىردان توپىراق ادام دا, تەحنيكا دا جۇرە المايتىن بالشىققا اينالدى. گيتلەردىڭ اسكەرلەرى ءبىزدىڭ قول­باس­­شىلىعىمىز مۇنداي لاي­ساڭ كەزىندە سوققى جاسايدى دەپ كۇتپەدى. جولدىڭ جوقتىعىنا قارا­­ماستان, كەڭەس ارمياسىنىڭ اسكەر­لەرى قىزۋ شايقاستار كەزىندە جاۋدىڭ قارسىلىعىن بۇزىپ, 28 قاڭتاردا زۆەنيگورودوك اۋدانىندا جاۋ توبىن قورشاۋعا الۋدى اياقتادى. «قازاندىققا» توعىز جاياۋ اسكەر ديۆيزياسى, «ۆيكينگ» تانك سس دي­ۆي­زياسى, سس موتورلى بريگاداسى جانە باسقا دا بولىمدەر مەن بولىم­شە­لەر ءتۇسىپ قالدى.

مايداننىڭ كورشى ۋچاسكە­لە­رىنەن اسكەري بولىمدەردى, ونىڭ ىشىندە تانكتەردى تارتىپ, فاشيس­تىك نەمىس قولباسشىلىعى قورشاۋ شەڭبەرىنەن وتۋگە تىرىستى. گيتلەردىڭ قولباسشىلىعى كولىك اۆياتسياسىنا ۇلكەن ءۇمىت ارتتى. ونىڭ كومەگىمەن ول قورشالعان اسكەردى وق-دارىمەن جانە ازىق-تۇ­لىك­پەن قامتاماسىز ەتۋگە ۇمىت­تەن­دى. الايدا جاۋدىڭ ءوز اسكەر­لەرىن «قازاندىقتان» قۇتقارۋ ارەكەتتەرى ءساتسىز بولدى. ون جەتىنشى اقپاندا جاۋ توبى جويىلدى.

بۇل جاعدايدا شابۋىل اۆياتسياسىنا ۇلكەن جۇكتەمە ءتۇستى. ءبىز بارلاۋ جۇرگىزدىك, قورشاۋداعى نەمىس اسكەرلەرىنە كومەك كورسە­تۋ­گە تىرىسقان جاۋدىڭ تانك قۇرا­ما­لا­رى­نا شابۋىل جاسادىق.

...بۇلتتى كۇندەردىڭ بىرىندە تاڭەر­تەڭ مەنىڭ ەسكادريليام تانك كولون­ناسىن شابۋىلداۋعا ۇشىپ شىقتى. ءبىز بەلگىلەنگەن الاڭعا ۇشىپ كەلگەن كەزدە نەمىستەر ءبىزدىڭ تانكيستەرىمىزبەن سوعىسىپ جاتىر ەكەن.

جوعارىدان تانك شايقاسىنىڭ كارتيناسى انىق كورىندى. مۇنا­را­لار­دا اق كرەستەرى بار ءبىر جارىم جۇزگە جۋىق ماشينا دالا, جارتاس, بالكالارمەن اعىلىپ كەلە جاتىر. ولاردىڭ جولىندا بىرنەشە وندا­عان ءبىزدىڭ تانك تۇردى.

ءبىز ۇشاقتارىمىزدى سولارعا قارسى بۇرىپ, شابۋىلعا شىقتىق. نەمىستەر العاشقىدا قىزۋمەن ءبىزدى بايقاي قويعان جوق, ولار «قارا ءولىمدى» باستارىنا ۇيىرىلگەن كەزدە بايقادى. تاراقاندار سياق­تى, جاۋ تانكتەرى ءارتۇرلى با­عىت­پەن ىدىراپ كەتە باستادى. بىراق «يليۋشين-2»-دەن قاشىپ كەتۋگە بولا ما؟

تاعى دا شابۋىل جاسادىق. تا­لاي جاۋ تەحنيكاسىنىڭ كوزىن جوي­دىق. ءبىزدىڭ تانكشىلەرىمىز شارۋانى وزدەرى اياقتادى. بومبا قورىن تولتىرىپ, بىردەن اۋەگە كوتەرىلۋ ءۇشىن اەرودرومعا ورالىپ كەلە جاتقاندا تومەننەن جاۋدىڭ جاياۋ اسكەرىنە تولى ۇلكەن شاتقالدى كورەمىن. مەن بۇل تۋرالى كپ-عا بايان­دادىم.

– شابۋىل جاساۋعا رۇقسات ەتەسىز بە؟

– شابۋىلداڭدار.

شاتقالدىڭ ۇستىمەن جەر باۋىر­­لاپ ۇشىپ كەلەمىز, نەمىس­تەر­گە پۋشكالار مەن پۋلەمەتتەردەن وقتى جاۋدىرىپ جاتىرمىز. جۇزدەگەن مايىتتەرىن قالدىرىپ, ساربازدار دالاعا قاراي قاشىپ جاتىر. ءبىز بۇرىلىس جاساپ, دالا جاقتان كەلەمىز, نەمىستەردى بالاپان سەكىلدى تاعى دا جارتاسقا تىعامىز. تاعى دا شابۋىل جاسايمىز. شاتقالدا ادام ءتۇسىنىپ بولمايتىن نارسەلەر بولىپ جاتىر. ءبىز جاياۋ اسكەرگە وق-دارىلەر تاۋسىلعانشا سوققى جاساي بەردىك.

مۇندا مىنا نارسەگە توقتالا كەتەيىن. بىرنەشە اي بۇرىن شابۋىل­داۋشىلار جەردەگى نىسان­دار­عا سوڭعى سنارياد, سوڭعى وق قالعانعا دەيىن شابۋىل جاساۋعا باتىلدارى جەتپەيتىن ەدى. ويتكەنى بۇل جاۋدىڭ يستريبيتەلدەرىمەن كەز­دەسىپ قال­عان جاعدايدا قورعان­سىز قالۋ دەگەن­دى بىلدىرەدى.

بىراق كورسۋن-شەۆچەنكو اۋدانىندا ءبىزدىڭ اۆياتسيا اۋەدە باسىم بولدى. فاشيستىك ۇشاقتار اەرو­دروم­داردان كوتەرىلۋگە باتىلى جەت­پەگەن كۇندەر ەمەس, اپتالار بولدى. ال كوتەرىلگەن كۇننىڭ وزىندە بىردەن ءبىزدىڭ ۇشاقتاردىڭ ولجاسىنا اينالاتىن. ءبىز «اۋە تازا» دەيتىن دارەجەگە جەتتىك.

قۇرلىقتاعى اسكەرلەر كور­سۋن-شەۆچەنكو اينالاسىن بارىن­شا قىسپاققا العان سايىن ءبىز جاۋ­عا اۋەدەن شابۋىلداپ جاتتىق. ۇرىس­تىڭ اياقتالار كەزەڭى جاقىن قالدى. نەمىستەر جانتالاسىپ قور­شاۋدى بۇزۋعا تىرىستى. تۇك ىستەي المادى. سودان كەيىن ولار كولىك ۇشاقتارىنىڭ كومەگىمەن «قازان­دىقتان» جوعارى وفيتسەرلەر قۇرا­مى مەن قۇجاتتاردى شىعارا باس­تا­دى.

ءبىر كۇنى كەشكە قاراي ءبىزدىڭ ەكس­كاد­ريليا تانكتەرگە شابۋىل جا­سا­عاننان كەيىن ۇيگە ورالدى. ءبىز كورسۋن-شەۆچەنكو ۇستىمەن ۇشىپ كەلەمىز. كەنەتتەن مەن اەرودرومدا بەس «يۋنكەرس-52» ۇشاعىن بايقادىم. ۇشاقتار ۇشۋ-قونۋ جولا­عىنىڭ جانىندا تۇر. ولاردىڭ جا­نىندا ادامدار كورىنبەيدى. دە­مەك ولار ءوز تىلدارىندا تۇندە ۇشىپ كەتۋگە دا­يىندالۋدا.

– اەرودرومدا بەس يۋ-52 تۇرعا­نىن كورىپ تۇرمىز. شابۋىل جاساۋ­عا رۇقسات ەتەسىز بە؟ – دەپ كپ-عا بايان­دادىم.

كپ-دان بىردەن ۇشاقتاردى جويۋ كومان­داسى كەلدى.

ۇشاقتاردا ادامداردىڭ جوق ەكەنىنە سەنبەدىم. ولار اۋەدە اەرودرومنىڭ ۇستىندە «يليۋشالار» پايدا بولعان سوڭ, كولىك­تەر­گە ءمىنىپ العان بولار دەگەن وي دا كەلدى. راس, سوعىس زاڭى­مەن قاراپايىم لوگيكا اۆياتسيا شابۋىلى بولعان جاعدايدا دەرەۋ شابۋىل نىسانىنان الىس بولۋعا تىرىسۋ كەرەك دەيتىن ەدى, بىراق بارلىق جاعىنان دەمالۋعا مۇمكىندىك بەرمەي سوعىپ جاتسا, لوگيكاعا جول بولسىن.

ءبىز نەمىستەرگە كۇيرەتە سوققى بەردىك. العاشقىدا بىردەن ەكى «يۋنكەرس» ورتەندى. نەمىس وفيتسەرلەرى ۇشاق­تاردان سەكىرە باستادى, پورت­فەلدەردى, چەمودانداردى لاق­تى­رىپ, ولار ءارتۇرلى باعىتقا قاشا جونەلدى. دەمەك مەن دۇرىس سەزىپ­پىن!

ەكىنشى رەت اينالىپ كەلدىك, قالعان ءۇش ۇشاقتى ورتەپ, نەمىستەر تىم-تىراقاي قاشا باستاعان اەرو­دروم­عا وق جاۋدىرا باستادىق. ءبارىن قيراتىپ بولعان سوڭ ءبىز ەكس­كاد­ريليانىڭ بۇكىل اتىس كۇشىن جۇمىلدىرىپ, الدىندا اۆيا­تسيا­­مىز ۇشقان كەزدە اتىلعان وقتان امان قالعان قويمالار مەن قۇرى­لىم­داردى اتقىلادىق.

قورشاۋداعى اسكەرلەردە دۇر­بە­­­لەڭ­نىڭ ورىن العاندىعىنا مىناداي فاكت دالەل. ءبىر كۇنى تاپسىرمانى ورىنداعاننان كەيىن ءبىزدىڭ ەكسكادريليا ۇيگە ورالدى. گوروديششەدەن كورسۋن-شەۆ­چەن­­كو­عا دەيىنگى باعىتتا مەن تاسجولدا جۇك كولىكتەرىنىڭ ەكى قاتار بولىپ تۇرعانىن كوردىم. كولون­نا­دا كەمىندە ەكى ءجۇز ماشينا بار. ءبىر قى­زىعى, جۇك تيەل­گەن كولىكتەر دا­لا­نىڭ ورتاسىندا تۇر جانە جۇر­گىزۋشىلەر دە, كۇزەتشىلەر دە كورىن­بەي­دى.

راديودان كولونناعا شا­بۋىل جاساۋعا رۇقسات سۇرادىق. كپ-دان شا­بۋىلدى باستاماي كۇتە تۇ­رۋ جونىندە بۇيرىق بەرىلدى. ءبىز بيىك­كە كوتەرىلىپ, شەڭبەر قۇرىپ تۇرا قالدىق, ونداعى ماقسا­تى­مىز – بۇيرىق تۇسكەن بويدا كولونناعا بىردەن شابۋىل جاساۋ. بىرنەشە مينۋت وتكەن سوڭ شلەموفوننان گەنەرال ريازانوۆتىڭ: «شابۋىل جاسا­ماڭ­دار! شابۋىل جاسا­ماڭ­دار!» دەگەن الاڭداۋلى داۋسى ەستىلدى.

بۇيرىقتىڭ اتى بۇيرىق. اەرو­درومعا جەتتىك. بىرنەشە كۇن­­نەن كەيىن عانا ول كولوننانى جۇرگىزۋشىلەردىڭ تاستاپ كەت­كەن­دىگىن بىلدىك. ولاردى جەرۇستى بولىمشەلەرىنىڭ بارلاۋشىلارى باقىلاۋعا العان ەكەن. سول كەزدە جۇك كولىكتەرىنە شابۋىل جاساعانىمىزدا, ءبىرشاما وق ءدارى مەن كيىم-كەشەك جويىلىپ كەتەر ەدى, ال كەيىن سول زاتتار ءبۇتىن كۇيىندە ءبىزدىڭ قولىمىزعا ءتيدى.

كورسۋن-شەۆچەنكو اۋدانىن­دا­عى وپەراتسياعا بايلانىستى تاعى ءبىر قىزىقتى ەستەلىگىم بار. شىن مانىندە, بۇل قازىر قىزىقتى بولىپ كورىنەدى, ول كۇندەرى بولسا شارۋامىز كوبەيىپ, كوپتەگەن الاڭداۋشىلىق تۋعىزعان بولاتىن.

1941 جىلدىڭ قىسىندا ماسكەۋ ءتۇبى تالقاندالىپ جاتقان كۇن­دەرى نەمىستەر تەمىرجولداردى قيراتاتىن قۇرىلعى ويلاپ تاپقان بولاتىن. مەن ونىڭ ءدال قانداي بولعاندىعىن سيپاتتاپ بەرە الماي­مىن, بىراق ول ەكى ۇلكەن سوقانىڭ تۇرەنى سياقتى بولدى. ولاردى پاروۆوزعا قىستىراتىن. سوقالار شپالداردى ورتاسىنان سىندىراتىن, ال رەلستەر بولسا كولبەۋ بۇيىرىنە تىرەلىپ, مايىسىپ, جارىلاتىن. پاروۆوز ءبىر ساعاتتا ون ەكى-ون بەس شاقىرىمعا دەيىنگى جابىندىنى جويىپ تاس­تايتىن. ءدال وسىنداي پاروۆوز پەرۆومايسكي مەن مالىە ۆيسكي اراسىندا جۇمىس ىستەدى.

قورشالعان توپتىڭ تاعدىرى بەلگىلى بولعاندىقتان, ونىڭ ۇستىنە ودان ءارى باتىسقا قاراي جۇرۋگە تۋرا كەلەتىندىگىن بىلە وتىرىپ, فاشيستەر تەمىرجولداردى وسى قۇرىلعىلارىمەن قيراتتى.

پاروۆوزدى جويۋدى باسشىلىق ماعان تاپسىردى. پاروۆوزدىڭ ىزىنە ءتۇسۋ باستالدى. ايتا كەتۋ كەرەك, قارسىلاس وتە ايلاكەر, تاجىريبەلى جانە ساق بولىپ شىقتى.

كەشە مەن وسى جەرلەردىڭ ۇستىنەن ۇشىپ بارا جاتىپ, رەلس­تەر­دىڭ بولات تىزبەگىن كورگەن بولاتىنمىن. بۇگىن ولار جوق. بىراق پاروۆوز دا جوق. جاۋدى انىقتاماق بولعان بارلىق ارەكەتتەرىمىز بەكەر بولدى. جەردەگى بارلاۋ كومەككە كەلدى.

مەن اەرودرومدا, كپ بۇيرىعى بويىنشا ءبىرىنشى دايىندىق كەزەڭىندە تۇرمىن. پاروۆوزدىڭ مالىە ۆەسى دەگەن جەردى قيراتىپ جات­قاندىعى تۋرالى اقپارات ال­دىق. مەن ول جاققا قاراي ۇشىپ باردىم, ونىڭ جولدى قيراتىپ كەت­كەندىگىن كورەمىن, بىراق پارو­ۆوز­دىڭ ءوزى تاعى جوق.

بۇل جايت كۇن سايىن قايتالانا بەردى. مەنىڭ شىدامدىلىعىم سىر بەرە باستادى. باسشىلىق بولسا بىزگە مازا بەرمەي, قارعىس اتقان پاروۆوزدى دەرەۋ جويۋدى تالاپ ەتتى. شىنىندا دا, ءبىر كۇندە ول وتە كوپ زيان كەلتىرەتىن, ال ءبارىن قالپىنا كەلتىرۋ ءۇشىن ءبىر اپتا ۋاقىت قاجەت, ماتەريالدار, ينجەنەرلىك اسكەرلەردەگى جۇزدەگەن ساربازدار مەن وفيتسەرلەر ەڭبەكتەنۋى كەرەك. سونىمەن قاتار جول قالپىنا كەلتىرىلىپ جاتقاندا, شابۋىلداۋعا شىققان اسكەرلەرگە جۇكتى جەتكىزۋ كەشىكتىرىلدى.

پاروۆوز تۋرالى اقپارات بول­ما­عان كۇندەردىڭ بىرىندە مەن بارلاۋعا ۇشىپ كەتتىم. نەمىس­تەر­دىڭ پوزيتسيالارى تۋرالى مالى­مەت­تەر جي­نادىم, ارتيللەريا مەن جەرگە كومىلگەن تانكتەردىڭ ورنا­لاسقان جەرىن سۋرەتكە ءتۇسىرىپ الىپ, ءوز اەرودرومىما قاراي ۇشىپ كەلە جاتقانمىن.

كەنەت تومەندە پاروۆوزدىڭ كولەڭكەسىن بايقادىم. ءيا, تەك كولەڭكەسى عانا. باتىپ بارا جاتقان كۇننىڭ ساۋلەسىندە ول تىم ۇلكەن, ۇسقىنسىز بولىپ كورىندى. كولەڭكە جىلجيدى, بىراق ءتۇتىن جوق. پارو­ۆوز­دىڭ ءوزى دە كورىنبەيدى.

مەن دەرەۋ تومەن قاراي قۇل­­دي­لا­دىم. جەرگە جاقىنداعاندا عانا وسى كەزگە دەيىن بۇل پاروۆوزدى نەگە تاپپاي كەلگەندىگىمىزدى ءتۇسىندىم.

نەمىستەر پاروۆوزدىڭ ۇستىنە الاڭقاي ورناتىپ, ونى قارمەن, توپىراقپەن, اعاش-بۇتالارمەن تولتىرعان ەكەن. سوندا جوعارىدان پاروۆوز ەمەس, جەردىڭ بەدەرى رەتىندە كورىپ ءجۇرىپپىز.

قۋانعانىمنان ءتىپتى ايقايلاپ جىبەردىم. ال ەندى سەن مەنەن قۇتىلىپ كور! ءبىر قىرىنان كەلىپ, پاروۆوزدى دالدەپ, شابۋىلعا شىعامىن. ونىم بەكەر بولدى. ماشينيست كۇرت قوزعالدى دا, مەنىڭ سناريادتارىم بوسقا كەتتى. جاڭادان شابۋىلعا شىعا­مىن, تاعى دا ناتيجە جوق. پاروۆوز كا­بيناسىندا مەنىڭ ءار قوز­­عا­لى­سىمدى قاداعالايتىن تاجىري­بەلى ادام وتىرعانداي.

پاروۆوزدىڭ ۇشاقپەن ەرەكشە جەكپە-جەگى شامامەن ون بەس مينۋتقا سوزىلدى. سوڭىندا سنارياد قازاندىققا ءتۇستى. بۋى بۋداق­تا­لىپ بارىپ شامامەن جيىرما مەترگە كوتەرىلدى دە, پاروۆوز توقتادى. مەن ءبىر بۇيىرىمە قاراي ۇشىپ بارىپ, پۋشكالارمەن پۋلەمەتتەن وق اتتىم. سوسىن بۇرىلىپ, ەكىنشى جاعىنا شىعىپ, رەاكتيۆتى سناريادتاردى جىبەردىم. پاروۆوز مەتالل ۇيىندىسىنە اينالدى. ءبىر اينالىپ, جۇمىستىڭ ويداعىداي اتقارىلعانىنا كوزىم جەتكەن سوڭ, ول جەردى سۋرەتكە ءتۇسىرىپ, ۇيگە قايتتىم.

مايداندا قىزىقتى كەزدەسۋلەر دە بولىپ تۇراتىن. شىنىمەن, ماقالدا ايتىلعانداي, «تاۋ تاۋمەن كەزدەسپەيدى, ال ادام ارقاشان اداممەن كەزدەسەدى» ەكەن.

كورسۋن-شەۆچەنكو وپەراتسياسىنان كەيىن كوپ ۇزاماي ءبىزدىڭ پولكىمىزگە جاۋىنگەرلىك جاعدايدا تاجىريبەدەن ءوتۋ ءۇشىن ۇشقىشتار ۋچيليششەسىنەن ءبىر توپ نۇسقاۋشىلار مەن كومانديرلەر كەلدى. ولاردىڭ ۇشەۋى مەنىڭ ەكسكادريلياما جىبەرىلدى.

كۇن قولايسىز بولاتىن, بىردە-ءبىر ۇشاق اۋەگە كوتەرىلگەن جوق. بول­مەدە وتىرمىز. ەسىكتىڭ قالاي اشى­لىپ, بىرەۋدىڭ ەكسكادريليا اديۋتان­تىنا انىق بايانداپ جات­قا­نىن ەستىپ جاتىرمىن:

– تاجىريبەدەن ءوتۋ ءۇشىن كەل­دىك. ەكسكادريليا كومانديرىنە بايان­­داۋى­ڭىزدى سۇرايمىز.

مەن بولمەدەن شىعىپ, تۇرىپ قالدىم. الدىمدا ءۇش وفيتسەر تۇر. ۇشۋ مەكتەبىندەگى ءۇش مۇعالىمىم. مىنە, كەزدەسۋ دەپ وسىنى ايت!

وفيتسەرلەردىڭ ءبىرى ماعان زەيىن قويا قاراپ, كەنەتتەن:

– جولداستار, بۇل ءبىزدىڭ بيگەل­دي­نوۆ قوي! تالعات! – دەپ ايقايلاپ جىبەر­دى. – سالەم, قىمباتتىم. ال اڭگى­مەڭدى ايت!..

تۇنگە دەيىن وتىردىق. ەندى ءرولى­مىز وزگەردى. بۇرىنعى مۇعا­­لىم­­دەر وقۋشى بولدى, ال مەن, جا­­قىن­دا عانا كۋرسانت بولعان جىگىت – ەندى ولاردىڭ ۇستازىمىن.

سودان كەيىن ءبىز جاۋىنگەرلىك تاپسىرمالارعا بىرگە ۇشىپ, جاۋ پوزيتسيالارىن بومبالادىق. نۇس­­قاۋ­شىلار وزدەرىن جاقسى جاعى­­نان كورسەتتى جانە ۇشەۋى دە «قىزىل جۇل­دىز» وردەندەرىمەن ماراپاتتالدى.

تاجىريبەدەن وتۋشىلەردىڭ ماي­دان­نان ۋچيليششەگە كەتەتىن كۇنى دە كەل­دى. ءبىز قيماي قوش­تاسىپ, ءبىر-بىرى­مىزگە بارلىق جاقسىلىقتاردى تىلەدىك.

بۇرىنعى نۇسقاۋشىلاردىڭ بىرى­مەن ءبىزدىڭ ءالى كۇنگە دەيىن دوس­تى­­عىمىز ۇزىلگەن جوق. مەن قازىر الماتى اەروكلۋبىنىڭ باستىعى, پود­پولكوۆنيك ۆىشۆىركو تۋرالى ايتىپ وتىرمىن. كوبىنە ءبىز ماي­دانداعى كەزدەسۋىمىزدى, جاۋ تى­لىن­داعى اسكەري ۇشۋلاردى ەسكە الا­مىز.

قاراڭىزشى, نەتكەن ەرلىك, قان­داي عاجاپ باتىرلىق! سىناپ­تاي سىرعىعان جۇيرىك ۋاقىت ارا­عا قان­شاما جىلدار سالسا دا, تالعات جاقىپبەك ۇلىنىڭ جار­قىن بەينەسى ۇرپاق جادىندا جاڭعىرا بەرمەك.

مەنى كوپتەن تولعانتىپ جۇرگەن ماسەلە – كەڭەس وداعىنىڭ ەكى مارتە باتىرى اتانعان جالعىز قاھارمانعا الماتى قالا­­سىنان لايىقتى كوشە بەرىل­­سە دەگەن تىلەك. كەڭسايداعى اينال­دىر­عان 4-5 ءۇيى بار قۋىقتاي كوشە وسىنداي باتىر تۇلعاعا لايىق پا؟ اتقا مىنگەن ازاماتتار وسى ماسەلەگە ءمان بەرسە. سەبەبى بۇل – مەنىڭ عانا ەمەس, كوپ­تىڭ تىلەگى.

 

دايىنداعان  –

ورىندىبيكە بەگەلدينوۆا