شىمكەنت قالاسىنداعى ۆاگونداردى جۋاتىن ستانسادان ارقايسىسىندا 25 ليترلىك جانارماي تولتىرىلعان 15 دانا كانيستر تابىلعان.
تەكسەرۋ بارىسىندا ونىڭ ۇرلانعان جانارماي ەكەندىگى بەلگىلى بولدى. شىمكەنت قالاسىنىڭ ىشكى ىستەر جەلىلىك باسقارماسى قىزمەتكەرلەرىنىڭ جەدەل ءىزدەستىرۋ شاراسى بارىسىندا ۇرلىق جاساعان 33 ءجانە 44 جاستاعى ازاماتتار انىقتالىپ, ۇستالدى. ولاردان زاتتاي ايعاق رەتىندە تاعى دا 375 ليتر جانارماي تابىلدى. وسى دەرەك بويىنشا قىلمىستىق ءىس قوزعالدى, دەپ حابارلادى كولىكتەگى ءىىد ءباسپاسوز قىزمەتى.