«سوعىس بولماعان ەل» دەگەن تىركەس قانداي كوركەم ەدى! سەنگىڭ كەلگەنمەن, سەنۋىڭ قيىن. الايدا الەمدە ەشقاشان سوعىسپاعان ەلدەر دە بار. دالىرەك ايتساق, ولار ەشقاشان سوعىس جاعدايىندا بولعان ەمەس.
بۇل ەل 1815 جىلدان بەرى بەيتاراپ بولىپ كەلە جاتىر. ءتىپتى ەكىنشى دۇنيەجۇزىلىك سوعىس كەزىندە دە اسكەرلەرىن ەشقايدا جىبەرگەن جوق. شۆەيتساريانىڭ بۇكىل تاريحىندا ۇلتارالىق قاقتىعىستار دا بولماعان. قارۋ-جاراققا بايلانىستى «جايلى» زاڭى دا بار. شۆەيتساريا كەز كەلگەن اسكەري قاقتىعىستاردا بەيتاراپ پىكىر ۇستانعاندىقتان, كوبىسى بۇل ەلدى پاتسيفيستەر مەكەنى دەپ سانايدى. بىراق تۇبەگەيلى ولاي ەمەس. ەرلەر ءۇشىن اسكەري قىزمەت 18 جاستان باستاپ مىندەتتى. ولاردىڭ كوپ بولىگى – اسكەري رەزەرۆتە تۇرعاندار. سوندىقتان دا ءاربىرىنىڭ ۇيىندە قارۋ ۇستاۋعا رۇقسات بەرىلگەن. ونى كەز كەلگەن ساتتە قولدانا الادى.
سۇتقورەكتىلەر اسكەرى
سولتۇستىك كورەيا دەلفيندەر مەن باسقا دا سۇتقورەكتىلەردى اسكەري ماقساتتا جاتتىقتىرىپ جاتىر. مۇنداي اقپاراتتى «USNI News» امەريكالىق باسىلىمى سپۋتنيكتەن تۇسىرىلگەن سۋرەتتەرگە قاراپ حابارلاعان.
جاريالانعان كادرلاردا نامپحو اسكەري-تەڭىز بازاسىنىڭ اۋماعىندا ورنالاسقان سۇتقورەكتىلەردىڭ ارنايى قوراسى مەن جاتتىعۋ كەشەنى بەينەلەنگەن. اتالعان نىسانداردىڭ العاشقى سۋرەتتەرى 2015 جىلى جاسالعان. تەڭىز سۇتقورەكتىلەرى سۋ تۇبىنەن زاتتاردى تابۋعا ءارى جارىلعىش زاتتاردى اجىراتۋعا ۇيرەتىلگەن-مىس. ولار ءتىپتى تەرەڭدە جاتقان وبەكتىلەردى دە تەكسەرە الادى. سونىمەن قاتار جانۋارلار اسكەري-تەڭىز بازالارىن ديۆەرسانتتاردان قورعاپ, سۇڭگۋىرلەردى الىستان بايقاۋعا قاۋقارلى. «سۋ تۇبىندە ادامدارعا قاراعاندا دەلفيندەر مەن يتبالىقتاردىڭ مۇمكىندىگى كوپ. يتبالىقتاردىڭ قاراڭعى جانە ب ۇلىڭعىر, لاي سۋدى جاقسى كورەتىنىن ەسكەرۋ كەرەك» دەپ جازعان شەتەلدىك باسىلىم.