الماتى وبلىسىنىڭ جانە ىلە الاتاۋىنىڭ ءىنجۋ-مارجانى – ەسىك كولىنىڭ جاعاسىندا ء«مولدىر بۇلاق» ۇرانىمەن ءوتىپ جاتقان «تازا قازاقستان» رەسپۋبليكالىق ەكولوگيالىق اكتسياسىنىڭ بەسىنشى اپتالىعى باستالدى. جاس ەرىكتىلەر مەن جاقىن ماڭداعى اۋىل تۇرعىندارى جانە قوعام بەلسەندىلەرى وبلىس اكىمى مارات سۇلتانعازيەۆپەن بىرگە ەسىك وزەنىنىڭ ماڭىندا سەنبىلىك وتكىزدى.
ء«مولدىر بۇلاق» اكتسياسى – ءوڭىردىڭ سۋ رەسۋرستارىنا قامقورلىق. الماتى وبلىسىندا 310 گيدروتەحنيكالىق قۇرىلىس بار, ونىڭ ىشىندە 72 سۋ قويماسى, 112 توعان, 13 بوگەت پەن دامبى, 14 اۋىزسۋ تورابى جانە 99 ماگيسترالدى كانالدار. ءدال وسى سۋ جولدارى ەگىس القاپتارى مەن قالالارعا ءنار بەرىپ, ءوڭىردىڭ تىنىس-تىرشىلىگىن قامتاماسىز ەتەدى. العاشقى كۇنى وبلىستىڭ بارلىق اۋداندارىندا مارافوندار, جارىستار جانە فلەشموب فورماتىندا 50-دەن استام سەنبىلىك ءوتتى. اكتسياعا قاتىسۋشىلار ۇزىن-قارعالى, تالعار, قارقارا, شارىن, قاسكەلەڭ, ۇلكەن الماتى سىندى وزەندەر ارناسىنىڭ جاعالاۋلارىن تازارتتى.
ء«مولدىر بۇلاق» اكتسياسى تۋرالى پرەزيدەنتىمىزدىڭ قازاقستان حالقىنا ارناعان جولداۋىندا ەستىگەننەن كەيىن ءبىز دە ءبىر كىسىدەي قاتىسۋدى ءجون كوردىك. ويتكەنى, ۇيىمىزگە قوناق بوپ كەلگەن تۋىس-تۋعان, دوس-جاران وسى «ەسىك كولىنە بارىپ قايتايىقشى» دەپ ءوتىنىش جاساپ جاتادى. سوندىقتان ءبىزدىڭ اۋدانىمىزدا ورنالاسقان ەسىك كولى تازا, ادەمى بولىپ جارقىراپ تۇرعانى ءبىز ءۇشىن وتە ماڭىزدى عوي. سوندىقتان وسى اكتسياعا قاتىستىم», دەيدى تۇرگەن اۋىلىنىڭ تۇرعىنى ەسەندوس اسۋباي.
«تازا قازاقستان» اكتسياسى باستالعالى الماتى وبلىسىندا اۋقىمدى جۇمىستار اتقارىلدى. وبلىستىڭ 500 مىڭنان استام تۇرعىنى اۋماقتار مەن اۋلالاردى تازالاۋعا, تاريح جانە مادەنيەت ەسكەرتكىشتەرىن اباتتاندىرۋعا, اعاش كوشەتتەرىن وتىرعىزۋعا, كوشەتتەردى اكتەۋگە قاتىستى. ارداگەرلەر مەن قارتتار ءۇيىنىڭ اۋلالارىنىڭ اۋماقتارىن رەتكە كەلتىرۋگە كومەكتەسۋ ءۇشىن ەكو بريگادالار ۇيىمداستىرىلدى.
ء«مولدىر بۇلاق» اكتسياسىن وسى كولدەن باستاعاندى ءجون كوردىك. ويتكەنى بۇل وتە ماڭىزى زور كول. ول ءبىر جاعىنان اۋىز سۋ, ەكىنشى جاعىنان ءبىزدىڭ وسى سۋارمالى جەرلەردى قامتاماسىز ەتەتىن كول. ءۇشىنشى جاعىنان ءبىراز كاسكادتى گەس-تارىمىز بار. سكل جەكە كاسىپكەرلەردە بولعان, بىلتىر سوت ارقىلى مۇنى مەملەكەت مەنشىگىنە قايتاردىق. ەندى كولدىڭ جاعدايىن كورىپ تۇرسىزدار, ءبىراز جەرىن قۇم باسىپ كەتكەن. ء«مولدىر بۇلاق» اپتالىعى اياسىندا وبلىستاعى وزەندەر, كولدەر, كانالدار مەن سۋارۋ ستانسالارىنىڭ اينالاسىن قوقىستان تازارتۋدى جوسپارلاپ وتىرمىز», دەدى ءوڭىر باسشىسى مارات سۇلتانعازيەۆ.
الماتى وبلىسى