*ەلىمىزدە «قولجەتىمدى باسپانا-2020» باعدارلاماسىن ىسكە اسىرۋ جالعاسا بەرەدى. «تۇرعىن ءۇي قۇرىلىس جيناق بانكى» اق-تىڭ ءباسپاسوز قىزمەتى حابارلاعانداي, 2015 جىلى بانك جەلىسى ارقىلى «بارلىق حالىق ساناتىنا ارنالعان باسپانا» باعىتى بويىنشا 326 مىڭ شارشى مەتر ءۇيدى پايدالانۋعا بەرۋ جوسپاردا تۇر.
ء*ۇيد باعدارلاماسىن ورىنداۋ ءۇشىن كادرلاردى دايارلاۋعا 10 ملرد. تەڭگە قارالدى. بiلiم جانە عىلىم ۆيتسە-مينيسترi تاحير بالىقباەۆتىڭ ايتۋىنشا, بۇل مامانداردى دايارلايتىن 10 جوو-نىڭ باعدارلامالارى الداعى ۋاقىتتا ۇكىمەتتىڭ قاراۋىنا ۇسىنىلادى.
*سوڭعى جىلدارى عىلىمعا بولىنەتىن قارجى كولەمى 2,5 ەسەگە وسكەن. رەسمي دەرەكتەرگە كوز جۇگىرتسەك, وتكەن جىلى سالاعا 49 ملرد. تەڭگە باعىتتالىپتى. سونىمەن بىرگە, عىلىممەن شۇعىلداناتىن ازاماتتاردىڭ دا قاتارى ارتقان.
*استاناعا 2014 جىلى 642,1 مىڭ تۋريست اتباسىن تىرەگەن. قالالىق تۋريزم, دەنەشىنىقتىرۋ جانە سپورت باسقارماسىنىڭ دەرەگىنشە, ەلوردادا 297 تۋريستىك فيرما جۇمىس ىستەيدى. نەگىزىنەن, ولار تاياۋ جانە قيىر شەت ەلدەردە ەلوردالىقتاردىڭ دەمالىسىن ۇيىمداستىرادى.
*اقتوبەدە «ۋرالەتس» شاعىن تراكتور شىعارۋ ءىسى قولعا الىندى. بۇل جوبانى «تراكتور» متس» جشس جولعا قويدى. بۇل سەرىكتەستىك «تراكتور» ااق (چەليابى, رف) كومپانياسىمەن بىرلەسىپ جۇمىس ىستەۋگە كەلىستى. كاسىپورىن جىلىنا 500 «ۋرالەتس» پەن وزگە دە تەحنيكا شىعارۋدى كوزدەپ وتىر.
*بىلتىر «بەينەۋ – اقتاۋ» اۆتوجولىنىڭ 200 شاقىرىمى پايدالانۋعا بەرىلدى. «ورتالىق – باتىس» جوباسى اياسىندا سالىنىپ جاتقان بۇل جولدىڭ جالپى ۇزىندىعى 470 شاقىرىمدى قۇرايدى. ونىڭ قۇرىلىسىنا پايدالانىلىپ جاتقان ماتەريالدار تۇگەلدەي وتاندىق ءونىم كورىنەدى. ايتا كەتەيىك, بيىل وڭىردە «جەتىباي – جاڭاوزەن» باعىتىندا 73 شاقىرىمدىق اۆتوموبيل جولىنىڭ قۇرىلىسى باستالادى.
*اقمولا وبلىسى ستەپنوگور قالاسىنا 3,4 ملرد. تەڭگەدەن استام قارجى ءبولىندى. قالا اكىمدىگىنىڭ ءباسپاسوز قىزمەتى اتاپ كورسەتكەندەي, مونوقالالاردى دامىتۋ باعدارلاماسى اياسىندا قارالعان بۇل قارجىنىڭ 266 ملن. تەڭگەگە جۋىعى جاس وتباسىلار ءۇشىن تۇرعىن ءۇي سالۋعا جۇمسالادى.
*سولتۇستىك قازاقستاندا ءۇيد مب-نىڭ ەكiنشi بەسجىلدىعى شەڭبەرىندە العاشقى زاۋىت iسكە قوسىلدى. حالىق تۇتىناتىن تاۋارلار مەن تۇرعىن ءۇي-كوممۋنالدىق شارۋاشىلىعىنا قاجەتتi قۇبىر جانە مەتالل ونiمدەرiن شىعاراتىن بۇل جاڭا كاسىپورىننىڭ اشىلۋ راسىمىنە وبلىس اكىمى ەرىك سۇلتانوۆ قاتىستى. زاۋىت ءوز ونiمدەرiن ەلىمىزدىڭ بارلىق وڭiرلەرiنە جانە رەسەيدىڭ شەكارالىق وبلىستارىنا جونەلتەدى.
حابارلار ۇكىمەت, وبلىستىق اكىمدىكتەر سايتتارى مەن «قازاقپارات» اگەنتتىگىنىڭ دەرەكتەرى بويىنشا دايىندالدى.