بۇگىن جەزقازعان قالاسىندا «تازا قازاقستان» رەسپۋبليكالىق ەكولوگيالىق اكتسياسى مەن «جاسىل ايماق» اپتالىعى اياسىندا 100 كوشەت وتىرعىزىلدى. قالا اكىمدىگى ۇيىمداستىرعان كوشەت ەگۋ ناۋقانىنا « ۇلىتاۋ وبلىسىنىڭ قوعامدىق دامۋ باسقارماسىنىڭ «جاستار رەسۋرستىق ورتالىعى» كمم جاستارى قاتىستى, دەپ جازادى Egemen.kz.
ەكولوگيالىق اكتسيانىڭ ماقساتى - جاستاردى ەڭبەككە جۇمىلدىرۋ ارقىلى تۋعان جەردى تازا ءارى جاسىل قالاعا اينالدىرۋ.
ۇلتتىق ۆولونتەرلەر جەلىسى ۇلىتاۋ وبلىستىق فيليالىنىڭ جەتەكشىسى دارىن تولەۋباي تۇرعىنداردى اكتسياعا بەلسەندى اتسالىسۋعا شاقىردى.
«قالامىزدىڭ كوگالدانىپ, اباتتانۋى ءۇشىن وتكىزىلىپ جاتقان اكتسياعا تۇرعىنداردى بەلسەندى اتسالىسۋعا شاقىرامىن. سونىمەن قاتار اعاشتاردى سىندىرماۋعا, كۇتىپ-باپتاۋعا, قولدارىڭىزدان كەلگەنشە ۇيلەرىڭىزدىڭ الدىنا اعاش وتىرعىزىپ, ولاردى سۋارىپ تۇرۋعا كەڭەس بەرەمىن», دەدى دارىن تولەۋباي.
ايتا كەتەيىك, 27 ءساۋىر كۇنى قالا بويىنشا 9 مىڭعا جۋىق ءتۇپ اعاش وتىرعىزۋ جوسپارلانىپ وتىر.