بەلگيادان كەلىپ, تۋعان اناسىن ىزدەپ جۇرگەن قازاق بالاسى جانىبەك ساۆەلەۆ الەۋمەتتىك جەلىدەگى پاراقشاسىندا ءوزىن اسىراپ العان ۆالەري ەسىمدى ايەلدى كورسەتكەن بولاتىن. جانىبەك ءوزىن اسىراپ العان ايەلدەن ءبىراز شىندىقتى بىلگەنىن ايتتى, دەپ حابارلايدى Egemen.kz.
جانىبەكتى اسىراپ العان ۆالەري ونى بالالار ۇيىنەن قالاي العانىن جانە كىممەن سويلەسكەنىن ايتىپ بەرگەن. ول ايەلدىڭ اتى-ءجونى دە بەلگىلى.
«...ۆالەري ماعان بار شىندىقتى ايتتى. 12 000 دوللار جانە ونى كىمگە بەرگەنىن دە ايتتى. مەن ۆالەريدەن اقشا العان ايەلدىڭ اتى-ءجونىن بىلەمىن, بىراق مەن سۇحباتتا ونىڭ ەسىمىن ادەيى جاسىردىم. مەن ول ايەلدىڭ ماعان حابارلاسىپ, تۋعان انامدى تابۋعا كومەكتەسكەنىن كۇتىپ ءجۇرمىن», - دەيدى جانىبەك ساۆەلەۆ.