استانادا تاعى ءبىر اۋدان قۇرىلادى

«مەملەكەت باسشىسى استانا ەل ومىرىندە ەرەكشە ورىن الاتىنىن بىرنەشە رەت اتاپ ءوتتى. قالاعا تەك ەكونوميكا ەمەس, ساۋلەت, ۋربانيستيكا تۇرعىسىنان بەلگىلى ءبىر تالاپتار قويىلادى. وزدەرىڭىز بىلەتىندەي, الماتى اۋدانى - حالقى ەڭ كوپ اۋدانداردىڭ ءبىرى. الماتى اۋدانىندا 6 تۇرعىن الابى بار. ولار: پرومىشلەننىي, جەلەزنودوروجنىي, ينتەرناتسيونالنىي, ميچۋرينو, كۇيگەنجار, يۋگو-ۆوستوك. اۋداننىڭ اۋماعى 15 471 گەكتاردى قۇرايدى. مۇندا شامامەن 400 مىڭ ادام تۇرادى. تۇرعىن ءۇي قورى 885 كوپقاباتتى تۇرعىن ءۇيدى قۇرايدى. № 1 يندۋستريالىق پارك اۋماعىندا 51 كاسىپورىن جۇمىس ىستەيدى.جەلەزنودوروجنىي تۇرعىن الابىندا № 2 يندۋستريالىق پارك سالۋ جوسپارلانىپ وتىر. اۋدان اكىمىنىڭ اپپاراتىنا جۇكتەمە ارتتى», - دەپ اتاپ ءوتتى ەرلان كاناليموۆ.

قالالىق ءماسليحات توراعاسى وسىعان بايلانىستى استانانىڭ جاڭا التىنشى اۋدانىن قۇرۋعا باستاماشى بولعانىن ءتۇسىندىردى.

«باستاما, ەڭ الدىمەن, حالىقتىڭ ءوسۋ ديناميكاسى مەن ازاماتتاردىڭ قاجەتتىلىكتەرىن ەسكەرە وتىرىپ, اۋماقتى ءتيىمدى باسقارۋعا جانە دامىتۋعا باعىتتالعان.جاڭا اكىمشىلىك بىرلىك ءوزىنىڭ ينفراقۇرىلىمىن دامىتۋ, جايلى ءومىر ءسۇرۋ جاعدايلارىن قامتاماسىز ەتۋ جانە ازاماتتاردىڭ ءومىر ءسۇرۋ ساپاسىن جاقسارتۋ ءۇشىن قاجەتتى رەسۋرستار مەن قۇرالداردى الادى دەگەن بولجام بار. ماسەلە قالا جۇرتشىلىعىمەن الدىن الا تالقىلانىپ استانا اكىمى مەن مەملەكەت باسشىسىنىڭ قاراۋىنا شىعارىلادى», - دەدى ەرلان كاناليموۆ.