ورال قالاسىندا پاترۋلدىك پوليتسيا باتالونىنىڭ قىزمەتكەرلەرى كولىك جۇرگىزۋ كەزىندە جۇرەگى ۇستاپ قالعان ايەل ادامدى اۋرۋحاناعا جەتكىزدى. وقيعا 18 ءساۋىر كۇنى بولعان, دەپ جازادى Egemen.kz.
دەركول اۋىلىنداعى وكرۋجنوە شوسسە كوشەسىنىڭ بويىندا پاترۋلدىك پوليتسيا باتالونىنىڭ قىزمەتكەرلەرى, پوليتسيا كاپيتانى ناريمان راسۋل مەن پوليتسيا اعا لەيتەنانتى باقداۋلەت كارىموۆ كولىك ەسىگىن اشىپ, كومەككە شاقىرعان ايەل ادامدى بايقاعان.
پاگونداعىلار كولىككە جاقىنداپ, ءمان-جايدى سۇراعاندا كەلىنشەك كەۋدە تۇسىنىڭ اۋىرىپ تۇرعانىن ايتىپ, اۋرۋحاناعا جەتكىزۋدى وتىنگەن.
ءتارتىپ ساقشىلارى لەزدە كومەك كورسەتىپ, دەنساۋلىعىنا شاعىمدانعان ايەلدى اۋرۋحاناعا جەتكىزدى.
وڭىردەگى پوليتسيا ءبولىمىنىڭ ءباسپاسوز قىزمەتى قازىر ناۋقاستىڭ دەنساۋلىعى قالىپتى, دارىگەرلەردىڭ باقىلاۋىندا ەكەنىن مالىمدەدى.