قىزىلوردا وبلىسى مەن بايقوڭىر قالاسى بويىنشا ۇقك دەپارتامەنتى پروكۋراتۋرا ورگاندارىنىڭ ۇيلەستىرۋىمەن ەسىرتكى زاتتارىن جەتكىزۋدىڭ وڭىرلىك ارناسىن جويدى, دەپ حابارلايدى Egemen.kz.
«2024 جىلدىڭ ناۋرىز ايىندا قىزىلوردا قالاسىندا 3,5 كگ اپيىن ساتۋعا اركەتتەنگەن قازاقستاننىڭ 5 ازاماتى ۇستالعان ەدى. قوسىمشا ءىس-شارالار بارىسىندا زاڭسىز سورا ءوسىرۋ جونىندەگى استىرتىن زەرتحانا تابىلدى. سوتتىڭ سانكتسياسىمەن ۇستالعان ادامدارعا كۇزەتپەن ۇستاۋ تۇرىندەگى بۇلتارتپاۋ شاراسى قولدانىلدى», دەلىنگەن ۆەدومستۆونىڭ ءباسپاسوز قىزمەتى تاراتقان حابارلامادا.
قىلمىستىق كودەكستىڭ 300-بابىنىڭ 2-بولىگى جانە 297-بابىنىڭ 3-بولىگى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. وزگە اقپارات جاريالانۋعا جاتپايدى.