جەو-نى جاڭعىرتۋ جۇمىستارى

جىلۋ جانە ەنەرگيامەن قامتاماسىز ەتۋ جاعدايى بويىنشا ەل-جۇرتتىڭ كوكەيىندە جۇرگەن بىرقاتار سۇراققا ورتالىق كوممۋنيكاتسيالار قىزمەتى الاڭىندا ەنەرگەتيكا ۆيتسە-ءمينيسترى سۇڭعات ەسىمحانوۆ جاۋاپ بەردى. ءسويتىپ, سالاداعى اۋقىمدى ينفراقۇرىلىمدىق باستامالاردىڭ جۇزەگە اسىرىلۋ بارىسى تۋرالى اڭگىمەلەدى. جۇمىس ىستەپ تۇرعان جىلۋ كوزدەرىن جانە كوممۋنالدىق ينجەنەرلىك جەلىلەردى جاڭعىرتۋ جۇمىسىنا توقتالدى.

قازىر ەنەرگەتيكالىق سەكتوردىڭ ينۆەستي­تسيا­لىق تارتىمدىلىعىن ارتتىرۋ جانە ۇزدىك­سىز گەنەراتسيالاۋدى قامتاماسىز ەتۋ ءۇشىن قايتارىمدى ينۆەستيتسيالاردىڭ جىلدىق ءليمي­تى 32 ملرد تەڭگەدەن 428 ملرد تەڭگەگە دەيىن ارتقان. وعان قوسا ەلەكتر قۋاتى نارىعىندا شەكتى تاريف ايىنا 1 مۆت ءۇشىن 590 مىڭ تەڭگەدەن 1,065 ملن تەڭگەگە دەيىن ۇلعايتىلعان. سونداي-اق 24 ەنەرگيا ءوندىرۋشى ۇيىم ءۇشىن ەلەكتر ەنەرگياسىنا شەكتى تاريفتەر تۇزەتىلدى. وندا تاريفتەردىڭ ورتاشا ءوسۋى 20%-دى قۇرادى.

ۆيتسە-ءمينيستردىڭ سوزىنە سۇيەنسەك, اتالعان شارالار وسى جىلى سالاعا شامامەن 327 ملرد تەڭگە قارجى تارتۋعا مۇمكىندىك بەرەدى:

ەلەكتر ەنەرگياسىنا تاريف ەسەبىنەن اعىمداعى جوندەۋ جۇمىستارىن جۇرگىزۋگە 94 ملرد تەڭگە; ەلەكتر قۋاتى نارىعى شەڭبەرىندەگى ينۆەستيتسيالار 134,7 ملرد تەڭگە; امورتيزاتسيالىق اۋدارىمدار ەسەبىنەن ينۆەستيتسيالار 98 ملرد تەڭگە.

الداعى جىلىتۋ ماۋسىمىنا دايىن­دىق ءۇشىن ەلەكتر ستانسالارىندا 10 ەنەرگوبلوك­تى, 55 قازاندىقتى, 45 تۋربينانى كۇردە­لى جوندەۋ جوسپارلانعان. قازىر 2 ەنەرگوبلوكتا, 7 قازاندىقتا, 4 تۋربينادا جون­دەۋ جۇمىستارى جۇرگىزىلىپ جاتىر. ال 1 تۋربي­نا­داعى جوندەۋ جۇمىسى اياقتالدى. بۇل جوبا­لار­دى قارجىلاندىرۋ ەلەكتر جانە جى­لۋ ەنەرگياسىنىڭ ءتاريفى, سونداي-اق بيۋد­جەتتىك قارجىلاندىرۋ ەسەبىنەن قام­تاماسىز ەتىلگەن.

بيىل ەلەكتر جەلىلەرىندە جالپى ۇزاقتىعى 20 857 كم ەلەكتر بەرۋ جەلىلەرىن, 423 بىرلىك كىشى ستانسانى, 4 057 بىرلىك تاراتۋ پۋنكتتەرىن جانە ترانسفورماتورلىق كىشى ستانسالاردى كۇردەلى جوندەۋدەن وتكىزۋ جوسپارلانعان. بۇلارمەن بىرگە جالپى ۇزىندىعى 1 619 كم ۇلتتىق ەلەكتر بەرۋ جەلىلەرىن جانە «KEGOC» اق-نىڭ 30 كىشى ستانساسىن كۇردەلى جوندەۋ دە جوس­پاردا بار.

بۇگىندە ينۆەستيتسيالىق كەلىسىمدەر بويىن­شا ەكىباستۇز گرەس-1-دە №1 ەنەرگوبلوكتى قالپىنا كەلتىرۋ, اتىراۋ جەو-دا №6 تۋربواگرەگاتتى اۋىستىرۋ, توپار گرەس-تە №3 تۋربواگرەگاتتى اۋىستىرۋ جۇمىستارى جۇرگىزىلىپ جاتىر.

الداعى ۋاقىتتا ەنەرگەتيكا مي­نيسترلىگىمەن جاسالعان ينۆەستيتسيالىق كەلىسىمدەر شەڭبەرىن­دە ەكىباستۇز گرەس-تە قۋاتى 600 مۆت №3 بلوكتى ءۇش جىلدا سالىپ ءبىتىرۋ كوزدەلىپ وتىر. ال قاراعاندىداعى جەو-3-تە قازاندىق اگرەگاتىنىڭ جاڭاسىن سالىپ, تۋربيناسىن اۋىس­تىرۋ ءىسىن جۇزەگە اسىرۋ ەكى جىلعا جوسپار­لانعان. وعان قوسا قۋاتى 85 مۆت ەنگىزە وتىرىپ, جاڭا قازاندىق اگرەگاتى مەن تۋربينانى سالۋ ارقىلى وسكەمەن جەو-نى كەڭەيتۋ جوبالارى ىسكە اسىرىلاتىن بولادى.