سەنات دەپۋتاتى اسەم راحمەتوۆا سولتۇستىك قازاقستان وبلىسىنداعى قىزىلجار اۋدانىندا بەسكول, تەپليچنوە, ميچۋرينو اۋىلدارىنىڭ, سونداي-اق پەتروپاۆل قالاسىنداعى كوجەۆەننىي, زارەچنوە, پودگورنوە شاعىن اۋداندارىندا ەۆاكۋاتسيالانعان تۇرعىندارمەن كەزدەستى, دەپ جازادى Egemen.kz سەناتتىڭ ءباسپاسوز قىزمەتىنە سىلتەمە جاساپ.
دەپۋتاتتىڭ ايتۋىنشا, ەۆاكۋاتسيالانعان تۇرعىندار تاسقىن سالدارىنان كەلگەن زالال ءۇشىن وتەماقى قاشان جانە قالاي الاتىنى تۋرالى ماسەلەنى كوتەرىپ وتىر.
«زارداپ شەككەندەرگە 100-دەن 200 اەك-كە دەيىنگى مولشەردە بىرجولعى تولەمدەر تولەنەتىن بولادى. بۇل ماقساتقا 85 ملن تەڭگە ءبولىندى. قازىر ءبىز قوعام بەلسەندىلەرى مەن تۇرعىنداردىڭ كەلگەن زياندى انىقتاۋ جونىندەگى كوميسسيانىڭ جۇمىسىنا قاتىسۋى تۋرالى ۇسىنىستار الىپ وتىرمىز. ءبىز, ارينە, اۋىلدار مەن كەنتتەردىڭ بەلسەندى تۇرعىندارىن وسى كوميسسيالارعا مىندەتتى تۇردە قوسۋدى وتىنەمىز», دەدى سەناتور.
دەپۋتات بۇدان ءارى مەملەكەت باسشىسى قاسىم-جومارت توقاەۆتىڭ تاپسىرماسى بويىنشا وتەلەتىن زالالدى ەسەپتەۋ جۇرگىزىلەتىنىن اتاپ ءوتتى.