الماتى وبلىسىندا «تازا قازاقستان» رەسپۋبليكالىق اكتسياسى جوعارى دەڭگەيدە ۇيىمداستىرىلدى. قورشاعان ورتانى كۇل-قوقىستان تازارتۋ شاراسىنا جەرگىلىكتى اقتارۋشى جانە ورتالىق مەملەكەتتىك ورگانداردان 20 مىڭعا جۋىق, وبلىس اۋماعىنداعى ۇيىمدار مەن 6 مىڭعا جۋىق كاسىپورىنداردان 28 مىڭ ادام جانە 250 مىڭنان استام ءوڭىر تۇرعىندارى جۇدىرىقتاي جۇمىلا اتسالىستى. ەكولوگيالىق ناۋقانعا 400 ساياجايدىڭ تۇرعىندارى دا بەلسەنە قاتىسىپ, اۋلالار مەن كوشەلەردى شاشىلعان قوقىستان تازارتتى.
ناتيجەسىندە جارتى كۇندە 18883 توننا قوقىس جينالىپ, 4230 تونناسى قايتا وڭدەۋگە جىبەرىلدى.
سانيتارلىق تازارتۋعا جاتاتىن اۋماقتىڭ اۋدانى 4700 گەكتاردان استى.
ناۋقاندىق شاراعا وبلىس بويىنشا 510 بىرلىك جۇك تيەپ, تاسىمالدايتىن تەحنيكا پايدالانىلدى.
تازالىق اكتسياسىنىڭ اياسىندا 975 اۋلانى قالپىنا كەلتىرۋ, سىرلاۋ جانە باسقا دا جۇمىستار جۇرگىزىلدى.
قوناەۆ قالاسىندا وتكەن جالپىقالالىق سەنبىلىككە قاتىسقان ءوڭىر باسشىسى مارات سۇلتانعازيەۆ تە قولىنا كۇرەك ۇستاپ, اعاش وتىرعىزىپ, كوپ قاتارلى ەڭبەك ەتتى.
وزدەرى ءومىر ءسۇرىپ جاتقان قالانىڭ ايناداي بولىپ تازارعانىنا تۇرعىندار ءدان ريزاشىلىقتارىن ءبىلدىردى.
الماتى وبلىسى