ۇلى عالىم ق.ي.ساتباەۆتىڭ اتاقتى ونەر زەرتتەۋشىسى ا.زاتاەۆيچكە قازاقتىڭ 25 ءانىن ورىنداپ بەرىپ, جازدىرعانى ءمالىم. ولاردىڭ اراسىندا «قارا جورعا», «بيبىگۇل», «ماقپال», «ىڭكار», «سارىن» جانە باسقا دا اندەر بولعان.
قانىش يمانتاي ۇلىمەن كەزدەسكەن ءساتىن الەكساندر ۆيكتوروۆيچ: «قانىش ساتباەۆ – تومسك تەحنولوگيالىق ينستيتۋتىندا ءبىلىم العان قازاقتىڭ جاس ينجەنەرى. باياناۋىل اندەرىنىڭ تاماشا بىلگىرى جانە جاقسى ورىنداۋشى, ول وسى جيناققا تەك اۋەندەر مەن اندەرگە قاتىستى عانا ەمەس, سونىمەن قاتار ءاننىڭ سوزدەرىنە قاتىستى دا بىرقاتار قۇندى حابارلامالار بەردى, ءارى وسى ءاننىڭ سوزدەرىن ورىس تىلىنە اۋداردى», دەپ جازىپ كەتكەن ەدى.
عالىمنىڭ 125 جىلدىق مەرەيتويى قارساڭىندا ساتباەۆ قالالىق مادەنيەت جانە تىلدەردى دامىتۋ ءبولىمى العاش رەت «قانىش سالعان اندەر-اي..» اتتى وبلىستىق فەستيۆال ۇيىمداستىردى. فەستيۆال بارىسىندا جاڭااارقا اۋدانىنان, جەزدى كەنتىنەن, ساتباەۆ قالاسىنان كەلگەن ب.سارىمساقوۆ, ە.العوجين, ا.سماعۇلوۆ, م.سەيىتقامالوۆا, ج.سىزدىقوۆ, م.ساياجانقىزى, ە.كوشەنوۆ, ج.وماروۆا جانە باسقا دا انشىلەر قانىش يمانتاي ۇلى ورىنداعان اندەردى شىرقاپ, كورەرمەن قوشەمەتىنە بولەندى.
جيىن قاتىسۋشىلارىنا ارنايى سىيلىقتار تابىستالدى.
ۇلىتاۋ وبلىسى,
ساتباەۆ قالاسى