م. ابدىحالىقوۆ اتىنداعى مەكتەپ-گيمنازياسىنىڭ 4-سىنىپ وقۋشىسى نۇراسىل يگىلىك ۇلى جۇرتتىڭ ريزاشلىعىنا بولەنىپ, ۇلكەندەردىڭ باتاسىن الدى. ەلىمىزدەگى سۋ تاسقىنى باستاۋىش سىنىپ وقۋشىسىن دا كۇرسىندىردى. سەبەبى, قارعىن سۋدان تەك ەرەسەكتەر عانا ەمەس, وزىمەن جاستى بالالار دا زارداپ شەگىپ جاتىر. ماڭعىستاۋ وبلىسى اقشۇقىر اۋىلىنان قۇلسارىعا اتتاناتىن كومەك تۋرالى ەستىگەن نۇراسىل ارنايى جيناپ جۇرگەن قاراجاتىن مۇقتاج جاندارعا بەرىپ جىبەردى, دەپ حابارلايدى Egemen.kz.
بالاقاي تاسقىن سۋدان زارداپ شەككەن حالىققا ارنايى قۇتىدا جيناعان تيىن-تەبەنىن جىبەردى. از دا بولسا كوپتەي كورگەن حالىق نۇراسىلعا العىسىن جاۋدىرىپ جاتىر.
«قۇلسارىداعى اعالارىما, باۋىرلارىما وسى تيىندى بەرگىم كەلىپ وتىر. قوبديشاعا جيناپ جۇرگەن تيىنىم ەدى. ەندى ونى سىزدەرگە تابىستايمىن, باۋىرلارىما جەتكىزىپ بەرسەڭىزدەر دەيمىن», دەدى نۇراسىل يگىلىك ۇلى ءوزىنىڭ ۆيدەوۇندەۋىندە.
جەلى قولدانۋشىلارى بالانىڭ بۇل ءىسىن ماقتاپ, «ەلىم دەگەن جۇرەگىڭنەن اينالايىن», «وركەنىڭ ءوسسىن!», «جارايسىڭ!», «امان ءجۇر, وزىڭە ەسەلەنىپ قايتسىن!» دەگەن سارىندا جىلى لەبىزىن ءبىلدىرىپ جاتىر.