بەيىمبەت مايلين اۋدانىنداعى ايەت وزەنىندە سۋ دەڭگەيى تومەندەي باستادى. وسىعان بايلانىستى اتالعان اۋدانعا قاراستى ايەت جانە نيكولاەۆ اۋىلدارىنان ەۆاكۋاتسيالانعان تۇرعىندار ۇيلەرىنە ورالىپ جاتىر.
«سۋ تارتىلىپ بارادى. حالىق قۋانىپ جاتىر. تۇرعىندار ۇيلەرىنە قايتا ورالىپ, ءۇي-جاي, قورا-قوپسىلارىن قالپىنا كەلتىرۋ جۇمىستارىنا كىرىسۋ جاعىن ويلاستىرىپ جاتىر. ۇيلەرى امان قالعان ازاماتتار اۋىلداستارىنا قولدارىنان كەلگەنشە كومەك بەرىپ, كومەكتەسۋگە دايىن. قازىرگى بۇل ەكى ەلدى مەكەندە قاۋىپ سەيىلدى. سۋ تاسقىنى جاعدايى جەرگىلىكتى اتقارۋشى ورگانداردىڭ باقىلاۋىندا بولادى», دەپ حابارلادى وبلىستىق جەدەل شتاب.
قوستاناي وبلىسى