ۇكىمەت باسشىسى ولجاس بەكتەنوۆتىڭ تاپسىرماسىمەن توتەنشە جاعداي ءمينيسترى شىڭعىس ارىنوۆ قوستاناي وبلىسىنا جۇمىس ساپارىمەن كەلدى. ساپاردىڭ باستى ماقساتى – وبلىستاعى سۋ تاسقىنى جاعدايىن تۇراقتاندىرۋ جۇمىستارىن ۇيلەستىرۋ, دەپ حابارلايدى Egemen.kz.
ءبىر كۇن بۇرىن توبىل وزەنى دەڭگەيىنىڭ ايتارلىقتاي كوتەرىلۋىنە بايلانىستى توبىل جانە قوستاناي قالالارىندا ەلدى مەكەندەردى سۋ باسۋ قاۋپى تۋىندادى. قازىرگى ۋاقىتتا وبلىس بويىنشا 3132 ادام قۇتقارىلىپ, ەۆاكۋاتسيالاندى, ونىڭ ىشىندە 943-ءى بالالار.
مينيستر وبلىس اكىمىمەن بىرگە ەۆاكۋاتسيالاۋ پۋنكتتەرىن, سۋ باسقان اۋماقتاردى ارالاپ, توبىل وزەنىندەگى بوگەتتەردىڭ جاعدايىن كوردى. قاۋىپ-قاتەرگە جەدەل دەن قويۋ جانە تۇرعىنداردىڭ قاۋىپسىزدىگىن قامتاماسىز ەتۋ ءۇشىن وبلىستىق جەدەل شتاب بارىنشا قارقىنمەن جۇمىس ىستەۋدە.
جۇمىس ساپارى بارىسىندا باسقارما باسشىسى وبلىس اكىمى قۇمار اقساقالوۆپەن بىرگە ەۆاكۋاتسيالاۋ پۋنكتتەرىن, سۋ باسقان اۋلا اۋماقتارىن ارالاپ, قوستاناي وبلىسىنداعى كورەي كوپىرىندەگى بوگەتتەردى ارالاپ كوردى.
ۋاقىتشا ورنالاستىرۋ ورتالىقتارىندا 628 ادام بولسا, ونىڭ 208-ءى بالالار. 66 تۇرعىن ءۇي مەن اۋلا اۋماقتارى سۋ استىندا قالىپ وتىر. قاۋىپتى ەلدى مەكەندەر قاتارىندا «سادوۆود» ساياجاي قوعامى, كراسنىي كۋزنەتس جانە ناريمانوۆ اۋدانىنىڭ تومەنگى بولىگى.
مينيستر توتەنشە جاعدايلار قىزمەتىنە حالىقتى قورعاۋ جانە سۋ تاسقىنىنىڭ ىقتيمال سالدارىن ازايتۋ ءۇشىن قاجەتتى شارالاردى قابىلداۋدى تاپسىردى.
وڭىردە قوستاناي, رۋدنىي, ارقالىق قالالارى مەن امانگەلدى, جانگەلدى, قاراسۋ, قارابالىق, دەنيسوۆ جانە قوستاناي اۋداندارىندا توتەنشە جاعداي رەجىمى ەنگىزىلگەن.