قازاقستاننىڭ بەس وبلىسىندا رەسپۋبليكالىق تاسجولداردىڭ جەتى ۋچاسكەسىن ەرىگەن سۋ باسىپ قالدى. سونداي-اق ەلىمىزدىڭ التى وبلىسىندا كولىك قوزعالىسىنا شەكتەۋ قويىلدى, دەپ حابارلايدى Egemen.kz «قازاۆتوجول» ۇك» اق ءباسپاسوز قىزمەتىنە سىلتەمە جاساپ.
«2024 جىلعى 6 ساۋىردەگى ساعات 08:10-داعى جاعداي بويىنشا حالىقارالىق جانە رەسپۋبليكالىق ماڭىزى بار اۆتوموبيل جولدارىندا اۋا رايىنىڭ جىلىنۋى مەن قاردىڭ تەز ەرۋى سالدارىنان 5 وبلىستا (اقمولا, اتىراۋ, سقو, پاۆلودار, قوستاناي) 7 جول ءجۇرۋ ۋچاسكەسىندە جالپى ۇزىندىعى 5411 مەتر بولاتىن سۋ تاسقىنى ورىن الدى», دەپ حابارلادى ۆەدومستۆودان.
6 وبلىستاعى (اقتوبە, اتىراۋ, قوستاناي, پاۆلودار, ماڭعىستاۋ, سقو) رەسپۋبليكالىق ماڭىزى بار 12 اۆتوموبيل جولدارىندا (ۇزىندىعى 797 كم) قوزعالىسقا شەكتەۋ قويىلدى.
قازىرگى تاڭدا رەسپۋبليكالىق جولداردا 248 بىرلىك تەحنيكا مەن 285 ادام جۇمىلدىرىلعان.