ەلوردالىق قازاقستان حالقى اسسامبلەياسى دوستىق ءۇيىنىڭ بازاسىندا سۋ تاسقىنىنان زارداپ شەككەن وڭىرلەردىڭ تۇرعىندارى ءۇشىن گۋمانيتارلىق كومەك جيناۋ بويىنشا الەۋمەتتىك اكتسيا ۇيىمداستىردى, دەپ حابارلايدى Egemen.kz استانا اكىمدىگىنىڭ رەسمي سايتىنا سىلتەمە جاساپ.
گۋمانيتارلىق كومەك اقمولا جانە قاراعاندى وبلىستارىنىڭ تۇرعىندارىنا جەتكىزىلەدى. زارداپ شەككەندەرگە كيىم-كەشەك, ازىق-ت ۇلىك, جەكە كۇتىم, توسەك-ورىن, ىدىس-اياق جانە ءدارى-دارمەكتەر جينالدى.
گۋمانيتارلىق كومەك جيناۋ جانە جەتكىزۋ جۇمىستارىن حاسان شاريپوۆتىڭ توراعالىعىمەن قۇرىلعان قالالىق شتاب اتقارىپ جاتىر.
ء«بىز قازاقستان حالقى اسسامبلەياسى مەن ەتنومادەني ورتالىقتاردىڭ اتىنان سۋ تاسقىنىنان زارداپ شەككەندەرگە قولداۋ كورسەتەمىز. وڭىرلەردە توتەنشە جاعداي جاريالانعاننان كەيىن ءبىز گۋمانيتارلىق كومەك جينادىق», دەپ اتاپ ءوتتى قالالىق شتاب توراعاسى جانە قحا مۇشەسى حاسان شاريپوۆ.
اتالعان اكتسياعا ەلوردا تۇرعىندارى, قحا جاستار قاناتىنىڭ ەرىكتىلەرى مەن مەتسەناتتار قاتىستى. سونداي-اق ازىق-ت ۇلىك جەتكىزگەن «استانا» بالالار فۋتبول كلۋبىنىڭ مۇشەلەرى كومەككە ماڭىزدى ۇلەس قوستى.
قازىرگى ۋاقىتتا قالا اسسامبلەياسىنىڭ مۇشەلەرى مەن ەرىكتىلەر سۋ تاسقىنىنان زارداپ شەككەندەرگە جالپى سوماسى 5 ملن 200 تەڭگەگە كومەك كورسەتتى.