قۋاندىق بيشىمباەۆتىڭ ءىسى بويىنشا ەكىنشى كۇدىكتى باقىتجان بايجاننان بەينەجازبالاردى ءوشىرۋ بويىنشا تىكەلەي تاپسىرما العان كۋاگەر گۇلزادا جۇسىپپەكقىزى سوت الدىندا وقيعانىڭ ءمان-جايىن ايتىپ بەردى, دەپ حابارلايدى Egemen.kz.
كۋاگەردىڭ ءسوزى بويىنشا, گاسترو ورتالىعىنىڭ ديرەكتورى باقىتجان بايجان وعان بەينەكامەراعا ءتۇسىپ قالعان بارلىق جازبانى ءوشىرۋدى تاپسىرعان.
«9 قاراشا كۇنى باقىتجان بايجان ماعان حابارلاسىپ: «بەينەجازبالاردى قالاي ءوشىرۋ كەرەكتىگىن بىلەسىڭ بە؟» دەپ سۇرادى. مەن وعان بىلمەيمىن دەپ جاۋاپ قاتتىم. كەيىن ول گاسترو ورتالىعىنىڭ جالعا بەرۋ ءبولىمىنىڭ باسشىسى قالمۇرات مولداقاشتىڭ وزىنە (باقىتجان بايجانعا) حابارلاسۋىن تاپسىرعان», دەدى كۋاگەر.
سونىمەن قاتار گۇلزادا ايىپتاۋشىلاردىڭ سۇراعىنا جاۋاپ بەرە تۇرا, بولىپ جاتقان وقيعاعا ەشقانداي قىزىعۋشىلىق تانىتپاعانىن ايتتى.
ايتا كەتەيىك, بۇعان دەيىن گاسترو ورتالىعىنىڭ جالعا بەرۋ ءبولىمىنىڭ باسشىسى قالمۇرات مولداقاش سوتتا كۋالىك ەتتى.