اۆاريالىق-قۇتقارۋ جۇمىستارىنا جەرگىلىكتى اتقارۋشى ورگاندار, توتەنشە جاعدايلار جونىندەگى بولىمشەلەر, باسقا دا كۇشتىك قۇرىلىمدار مەن مەردىگەرلىك ۇيىمدار جۇمىلدىرىلدى, دەپ حابارلايدى Egemen.kz.
قورعانىس مينيسترلىگىنىڭ مالىمەتىنشە, باتىس قازاقستان وبلىسى اۋماقتىق قورعانىس بريگاداسىنىڭ 32 اسكەري قىزمەتشىسى پودپولكوۆنيك تيمۋر ۇمبەتقاليەۆتىڭ باسشىلىعىمەن سىرىم اۋدانىنداعى اۆاريالىق-قۇتقارۋ جۇمىستارىنا قاتىسىپ جاتىر.
ەرىگەن سۋ قوسوبا اۋىلىن دا باسىپ قالدى. 28 ناۋرىزدىڭ كەشىندە باستالعان ەۆاكۋاتسيالاۋ جۇمىستارى تۇنگى ەكىگە دەيىن جالعاسقان. قارۋلى كۇشتەردىڭ 99250 اسكەري ءبولىمى اسكەري قىزمەتشىلەرىنىڭ ۇيلەسىمدى ءىس-قيمىلى ناتيجەسىندە ەۆاكۋاتسيالاۋ پۋنكتتەرىنە 250 ادام جەتكىزىلدى.