ەلوردانىڭ سارىارقا اۋدانىندا ەكى جاڭا بازاردىڭ قۇرىلىسى ءجۇرىپ جاتىر. جالپى ينۆەستيتسيا كولەمى 10 ملرد تەڭگەنى قۇرادى, دەپ حابارلايدى Egemen.kz.
قالالىق ينۆەستيتسيالار جانە كاسىپكەرلىكتى دامىتۋ باسقارماسى باسشىسىنىڭ ورىنباسارى ماقسات جاڭاباەۆتىڭ ايتۋىنشا, بازارلار جەكە اقشاعا سالىنىپ جاتىر. پايدالانۋعا بەرۋ 2025 جىلعا جوسپارلانعان.
ول ساۋدا ينفراقۇرىلىمىن دامىتۋ اياسىندا قۇنى 180 ملرد تەڭگەدەن اساتىن 10 جوبا (ساۋدا ورتالىقتارى, قويما كەشەندەرى, كوكونىس ساقتاۋ قويمالارى) جۇزەگە اسىرىلىپ جاتقانىن ايتتى. مىسال رەتىندە ماقسات جاڭاباەۆ پايدالانۋعا بەرىلگەن اۋماعى 10 مىڭ شارشى مەتر جانە كەز كەلگەن ساناتتاعى 700 مىڭعا دەيىن ءارتۇرلى تاۋارلاردى (تاماقتان باستاپ ەلەكترونيكا مەن قۇرىلىس ماتەريالدارىنا دەيىن) ساقتاۋعا مۇمكىندىگى بار «وزون» لوگيستيكالىق ورتالىعىن اتاپ ءوتتى.
«سونىمەن قاتار, سىيىمدىلىعى 150 مىڭ شارشى مەتردى قۇرايتىن, قۇنى 47 ميلليارد تەڭگەگە جۋىق وسىنداي كەشەن قۇرىلىسىنا Wildberries كومپانياسىن تارتۋ جۇمىستارى جۇرگىزىلىپ جاتىر. بۇل شارالار ەلوردادا ەلەكتروندى كوممەرتسيانى دامىتۋعا ىقپال ەتەدى», دەدى ماقسات جاڭاباەۆ قالالىق كوممۋنيكاتسيالار قىزمەتىندە وتكەن بريفينگ بارىسىندا.