قازاقستان بوكس فەدەراتسياسى ەرلەر اراسىندا 63,5 كەلى سالماق دارەجەسىندە وليمپيادا جولداماسى ءۇشىن الەمدىك ليتسەنزيالىق تۋرنيرگە ىرىكتەۋ باستالعانىن حابارلادى, دەپ جازادى Egemen.kz.
ازىرگە وليمپيادا جولداماسى بۇيىرماعان وسى سالماقتا قازاقستان نامىسىن قورعاۋ ءۇشىن 6 بوكسشىعا مۇمكىندىك بەرىلگەنىن مالىمدەدى.
تاڭدالعان بوكسشىلار تايلاند مەملەكەتىنىڭ استاناسى بانگكوك قالاسىندا وتەتىن الەمدىك ليتسەنزيالىق تۋرنيرىنە ارنايى جوسپارلانعان رەسمي سپارينگتە باق سىنايدى.
بۇل سپارينگ جارىس فورماتىندا وتەدى.
قازاقستان بوكس فەدەراتسياسى وسى سالماقتاعى ەلدىڭ ۇزدىك بوكسشىلارىنا تەڭ مۇمكىندىك بەرۋدى شەشكەن.
ولار:
2023 جىلى قازاقستان سپارتاكياداسىنىڭ جەڭىمپازى, يتاليادا وتكەن ليتسەنزيالىق تۋرنيرگە قاتىسقان مۇحاممەدسابىر بازارباي ۇلى; ازيا ويىندارىندا شيرەك فينالعا جەتكەن زەينۋللينوۆ ەرتۋعان; 2021 جىلعى الەم چەمپيوناتىنىڭ كۇمىس جۇلدەگەرى سەرىك تەمىرجانوۆ; ازيا جانە الەم چەمپيوناتتارىنىڭ كۇمىس جۇلدەگەرى دۋلات بەكباۋوۆ; كەيىنگى قازاقستان سپارتاكياداسىنىڭ جۇلدەگەرى, ليتۆادا وتكەن حالىقارالىق ءتۋرنيردىڭ التىن مەدال يەلەنگەن جاندوس قىدىراليەۆ; جاسوسپىرىمدەر مەن جاستار اراسىنداعى ازيا چەمپيوناتىنىڭ 3 دۇركىن جەڭىمپازى سابىرحان تورەحان (يتاليادا وتكەن ليتسەنزيالىق تۋرنيردە وليمپيادا جولداماسىن يەلەنگەن ماحمۇد سابىرحاننىڭ تۋعان ءىنىسى)تىزىمدەگى بوكسشىلار سالماقتارىن ليميتكە كەلتىرۋى شارت.
جارىس 8-10 ءساۋىر ارالىعىندا استانا قالاسىندا وتەدى. سپارينگ بارىسى قازاقستان بوكس فەدەراتسياسىنىڭ يۋتۋب جەلىسىندە ونلاين كورسەتىلەدى.
سونداي-اق قىزدار اراسىندا دا 50, 54, 66, 75 كەلىدە بانگكوك قالاسىندا وتەتىن الەمدىك ليتسەنزيالىق تۋرنيرگە ىرىكتەۋ وسى كۇندەرى بولادى.