قازگيدرومەتتىڭ مالىمەتىنشە, قازاقستاننىڭ باسىم بولىگىندە اتموسفەرالىق فرونتالدى ۋچاسكەلەردىڭ وتۋىنە بايلانىستى تۇراقسىز اۋا رايى ساقتالادى, دەپ حابارلايدى Egemen.kz.
ماسەلەن, وڭتۇستىكتە, وڭتۇستىك-شىعىستا جاڭبىر مەن قار ارالاس جاۋىن-شاشىن, تۇندە وڭتۇستىك-باتىستا, تاۋلى ايماقتاردا قاتتى جاڭبىر جاۋادى. رەسپۋبليكانىڭ وڭتۇستىك-شىعىسىنداعى وبلىستاردا جاۋىن-شاشىن, كەي جەرلەردە قاتتى جاۋىن-شاشىن (جاڭبىر, قار), رەسپۋبليكانىڭ وڭتۇستىگىندەگى تاۋلى ايماقتاردا قاتتى جاڭبىر جاۋادى.
بىراق ەلىمىزدىڭ باتىسىندا, سولتۇستىك-باتىسىندا جانە سولتۇستىگىندە اتموسفەرالىق قىسىمنىڭ جوعارىلاۋى ءورىسىنىڭ اسەرىنەن جاۋىن-شاشىنسىز اۋا رايى ساقتالادى. رەسپۋبليكا بويىنشا تۇمان ءتۇسىپ, جەل كۇشەيەدى, شىعىستا جانە ورتالىقتا كوكتايعاق بولادى, رەسپۋبليكانىڭ وڭتۇستىگى مەن وڭتۇستىك-شىعىسىندا نايزاعاي وينايدى.