كوكتايعاق, تۇمان: اۋا رايىنا بايلانىستى بىرقاتار وڭىردە ەسكەرتۋ جاريالاندى

سينوپتيكتەردىڭ بولجامى بويىنشا, جەتىسۋ وبلىسىنىڭ تاۋلى ايماقتارىندا كەي ۋاقىتتا قاتتى جاۋىن-شاشىن (جاڭبىر, قار) بولادى, تۇمان تۇسەدى. سولتۇستىك-شىعىستان جەل سوعادى.

باتىس قازاقستان وبلىسىنىڭ باتىسىندا, سولتۇستىگىندە تۇمان تۇسەدى.

استانادا تۇندە جانە تاڭەرتەڭ تۇمان تۇسەدى.

قىزىلوردا وبلىسىنىڭ شىعىس بولىگىندە قاتتى جاڭبىر, نايزاعاي وينايدى. جەل سولتۇستىك-شىعىستان سوعادى, تۇندە وبلىستىڭ ورتالىعىندا, كۇندىز وبلىستىڭ باسىم بولىگىندە كۇشى 15-20 م/س.

اقتوبە وبلىسىنىڭ سولتۇستىگىندە, شىعىسىندا تۇمان تۇسەدى. تۇندە وبلىستىڭ سولتۇستىگىندە جولداردا كوكتايعاق بولادى. سولتۇستىك-شىعىستان جەل سوعادى, كۇندىز وبلىستىڭ وڭتۇستىگىندە, شىعىسىندا ەكپىنى 15-20 م/س.

الماتى وبلىسىنىڭ باتىسىندا, شىعىسىندا, تاۋلى اۋداندارىندا ەكپىنى 15-20 م/س, 21-22 ناۋرىزدا وبلىستىڭ شىعىسىندا, تاۋلى اۋداندارىندا ەكپىنى 17-22 م/س.

الماتىدا تاڭەرتەڭ جانە كۇندىز, 22 ناۋرىزدا تۇندە جانە تاڭەرتەڭ كەي ۋاقىتتا قاتتى جاۋىن-شاشىن (جاڭبىر, قار) بولادى.

قوستاناي وبلىسىنىڭ باتىسىندا, وڭتۇستىگىندە, شىعىسىندا تۇمان تۇسەدى.

اقمولا وبلىسىنىڭ باتىسىندا, سولتۇستىگىندە, وڭتۇستىگىندە تۇمان, كۇندىز كوكتايعاق بولادى.

شىعىس قازاقستان وبلىسىندا جاۋىن-شاشىن (جاڭبىر, قار) كۇتىلەدى. وبلىستىڭ سولتۇستىگىندە, شىعىسىندا كوكتايعاق بولادى. تۇندە جانە تاڭەرتەڭ وبلىستىڭ وڭتۇستىگىندە تۇمان تۇسەدى وڭتۇستىك-باتىستان سوعاتىن جەل سولتۇستىك-باتىسقا اۋىسادى, تۇندە وبلىستىڭ سولتۇستىگىندە 15-18 م/س.

اباي وبلىسىندا جاۋىن-شاشىن (جاڭبىر, قار), كۇندىز وبلىستىڭ سولتۇستىگىندە, شىعىسىندا, وڭتۇستىگىندە جاۋىن-شاشىن (كوبىنەسە جاڭبىر) بولادى. تۇندە وبلىستىڭ سولتۇستىگىندە, شىعىسىندا كوكتايعاق كۇتىلەدى. تۇندە جانە تاڭەرتەڭ وبلىستىڭ وڭتۇستىگىندە تۇمان تۇسەدى. جەل باتىستان, سولتۇستىك-باتىستان سوعادى, تۇندە وبلىستىڭ ورتالىعىندا ەكپىنى 15-18 م/س.

ماڭعىستاۋ وبلىسىنىڭ باتىسىندا, وڭتۇستىگىندە, ورتالىعىندا قاتتى جاڭبىر جاۋادى. سولتۇستىك-شىعىستان جەل سوعادى.

اتىراۋ وبلىسىنىڭ سولتۇستىگىندە, شىعىسىندا تۇمان بولادى.

پاۆلودار وبلىسىنىڭ باتىسىندا, وڭتۇستىگىندە, شىعىسىندا جاۋىن-شاشىن (قار, جاڭبىر), كوكتايعاق بولادى. وبلىستىڭ سولتۇستىگىندە, باتىسىندا تۇمان تۇسەدى.

جامبىل وبلىسىنىڭ باتىسىندا, سولتۇستىگىندە, تاۋلى اۋداندارىندا جاڭبىر جاۋىپ, نايزاعاي وينايدى.