دەنساۋلىق ساقتاۋ ءمينيسترى اقمارال ءالنازاروۆا استانادا اشىلاتىن 5 شۇعىل كومەك كورسەتەتىن مەديتسينالىق ورتالىق جوباسىمەن تانىستى, دەپ جازادى Egemen.kz.
«جوبا شۇعىل مەديتسينا, ينسۋلت پروبلەمالارى, كۇردەلى اكۋشەرلىك, پوليجاراقات جانە ترانسپلانتولوگيا بويىنشا 5 رەسپۋبليكالىق ۇيلەستىرۋ ورتالىعىن قۇرۋدى كوزدەيدى.
سونىمەن قاتار 27 بەيىنى بار 7 كلينيكالىق ورتالىقتى, ونىڭ ىشىندە اكۋشەرلىك ورتالىعى, نەيروورتالىقتى, كارديوورتالىقتى, پوليجاراقات, ىشكى اۋرۋلار, حيرۋرگيا جانە سەپتيكالىق حيرۋرگيا ورتالىقتارىن قۇرۋ جوسپارلانىپ وتىر.
جاڭا اۋرۋحانا ەلىمىزدىڭ ازاماتتارىنا مەديتسينالىق ساراپتاما مەن دەنساۋلىق ساقتاۋدىڭ ناعىز ورتالىعىنا اينالادى», دەلىنگەن مينيسترلىكتىڭ ءباسپاسوز قىزمەتى تاراتقان حابارلامادا.