كيبەريممۋندى جۇقا كليەنت

وسى ورايدا «كاسپەرسكي زەرتحاناسى» ءوزىنىڭ تەحنولوگيالىق ارىپتەسى – «تونك» كومپانيالار توبىمەن كۇش بىرىكتىرە وتىرىپ, ورتالىق ازيا مەن موڭعوليا ايماعىندا KasperskyOS وپەراتسيالىق جۇيەسى مەن ونىڭ نەگى­زىندە كيبەريممۋندى جۇقا كليەنتتى جەتىل­دىرۋ جۇمىستارىن جالعاستىرىپ جاتقان-دى. اقپان ايىنىڭ اياعىندا «تسيفرلىق قىرعىزستان 2024» فورۋ­مىندا Kaspersky Thin Client 2.0 نۇسقا­سىن­داعى TONK TN1200 كيبەريممۋن­دى كومپيۋتەرى جۇرت نازارىنا ۇسىنىلدى.

«TONK TN1200 جۇقا كليەنتى – بۇل كاسىپورىننىڭ دەرەكتەرىمەن, قوسىم­شالارىمەن جۇمىس ىستەۋ ءۇشىن جەلىگە قوسىلاتىن شاعىن ەسەپتەۋىش رەسۋرس­تارى بار, ءوزىمىز بىلەتىن ۇيرەنشىكتى كوم­پيۋ­تەرلەردىڭ جەڭىل نۇسقاسى. بار­­لىق جۇمىس ۇدەرىسى, سونىڭ ىشىن­دە دەرەكتەردى ساقتاۋ, سىرتقى سەر­ۆەر­لەر­گە تاسىمالدانادى. ياعني KasperskyOS بازا­سىندا Kaspersky Thin Client شەشىم­دەرىن بىرىكتىرۋ كيبەريممۋن­مەن قام­تاماسىز ەتپەك, باسقا تىلمەن ايتقاندا, «تۋا سالىسىمەن» كيبەرشابۋىلدان قورعايدى.

وسىعان وراي, ەلىمىزدە ورنالاس­قان «كاسپەرسكي زەرتحاناسى» وڭىرلىك كەڭسەسىنىڭ وكىلدەرى دە قانات­قاقتى جوبانى جۇرگىزۋ ءۇشىن ارنايى وقىتۋدان وتكەن.

ء«بىز ايماقتاعىلاردىڭ, اسىرەسە قار­جى سەكتورىنىڭ كيبەريممۋندى قور­عانىس پەن شەشىمنىڭ جاڭا نۇسقاسىنا قىزىعۋشىلىق تانىتىپ جاتقانىن كو­رىپ وتىرمىز. ءبىزدىڭ ايماقتاعى ­بانكتەر ءونىم تۋرالى ساۋالدار قويىپ, ونى كور­سەتۋ ءۇشىن ماماندارىمىزدى بەل­سەندى تۇردە تارتىپ جاتىر», – دەيدى قازاقستان, ورتالىق ازيا مەن موڭعولياداعى «كاسپەرسكي زەرتحانا­سىنىڭ» باسقارۋشى ديرەكتورى ۆالەري زۋبانوۆ.

اقپاراتتىق قاۋىپسىزدىك سالاسىندا جۇمىس ىستەيتىن كومپانيالار دا كۇن سايىن جاڭا قورعانىس تەحنولوگيالارىن ازىرلەپ جاتقانىمەن, وكىنىشكە قاراي, كوپ جاعدايدا ولار قاسكويلەردى وكشەلەپ قانا كەلە جاتىر. ال كيبەريممۋندىق دەپ تە اتالاتىن باستاپقى قاۋىپسىز (Secure-by-Design) ات-جۇيەلەرى مەن قۇرىلعىلارىن جاساۋ ءورشىپ تۇرعان كيبەرشابۋىلدار ماسەلەسىن تۇبەگەيلى شەشىپ, اقپاراتتىق قاۋىپسىزدىكتىڭ كەلبەتىن تۇپكىلىكتى وزگەرتپەك.

الماتى