قازاقستان ەلشىسى ءۋاليحان تورەحانوۆ تاجىكستان ۇكىمەتى جانىنداعى مەملەكەتتىك ماتەريالدىق رەزەرۆتەر اگەنتتىگى ديرەكتورىنىڭ ورىنباسارى سوحيبدجون زيودۋللوەۆكە سالتاناتتى تۇردە 15 مىڭ توننا مازۋتقا سەرتيفيكات تاپسىردى, دەپ حابارلايدى Egemen.kz.
سىرتقى ىستەر مينيسترلىگى ءباسپاسوز قىزمەتىنىڭ مالىمەتىنشە مەملەكەت باسشىسىنىڭ تاپسىرماسى بويىنشا تاجىكستانعا ەلدىڭ ماڭىزدى ەنەرگەتيكالىق نىساندارىنىڭ تۇراقتى جۇمىس ىستەۋى ماقساتىندا 2 ملرد 542 ملن تەڭگە (شامامەن 5,65 ملن اقش دوللارى) سوماسىنا گۋمانيتارلىق كومەك كورسەتۋ تۋرالى شەشىم قابىلدانعانىن ۋ.تورەحانوۆ ءوز سوزىندە اتاپ ءوتتى.
گۋمانيتارلىق كومەك – «KazAID» وتاندىق-حالىقارالىق دامۋ اگەنتتىگىنىڭ ىقپالداسۋىمەن جۇزەگە اسىرىلىپ جاتىر جانە ەنەرگەتيكالىق قاۋىپسىزدىكتى قامتاماسىز ەتۋدەگى ۇلەسى قازاق-تاجىك ستراتەگيالىق قاتىناستارىنىڭ نىشانى بولىپ تابىلادى.
قازاقستان تاراپىنىڭ تاجىكستانعا كورسەتكەن گۋمانيتارلىق كومەگىنىڭ جالپى كولەمى اقشالاي ەكۆيۆالەنتتە 2006 جىلدان باستاپ 50 ملن اقش دوللارىنان اسادى.