قازاقستان مەن يتاليا بىرىڭعاي ساۋدا ماركاسىمەن تاۋار شىعارماق نيەتتە

تاراپتار قازاقستان مەن يتاليا اراسىنداعى ساۋدا قارىم-قاتىناسىن كەڭەيتۋدى, «Made in Kazakhstan with Italy» بىرىڭعاي تۇجىرىمداماسىن ەنگىزۋدى تالقىلادى.

ارمان شاققاليەۆتىڭ ايتۋىنشا, قازاقستان مەن يتاليا اراسىندا ءوزارا ءتيىمدى ىنتىماقتاستىقتىڭ تابىستى تاجىريبەسى قالىپتاستى. سونىمەن قاتار ءبىزدىڭ ەلدەرىمىزدىڭ ەكونوميكالىق سالاداعى ارىپتەستىكتى ودان ءارى تەرەڭدەتۋ ءۇشىن ۇلكەن مۇمكىندىكتەرى بار.

«قازاقستاننان يتالياعا وڭدەلگەن ءونىم ەكسپورتىنىڭ الەۋەتى 260 ملن دوللاردان اسادى. ورگانيكالىق تاماق ءونiمiنiڭ ايتارلىقتاي ارتىقشىلىعى بار. ءبىزدىڭ بولجاۋىمىزشا, يتاليا نارىعىندا سۇرانىسقا يە تاۋارلاردىڭ ءبىرى ول جىلقى ەتى. قازاقستان ورگانيكالىق سالقىنداتىلعان جىلقى ەتىن, سونداي-اق ۋىلدىرىق پەن بالدىڭ ەكسپورتتىق جەتكىزىلىمىن ۇسىنا الادى», دەدى كەزدەسۋدە مينيستر.

جىل سايىن يتاليا 140 ملن دوللاردان استام سوماعا جىلقى ەتىن يمپورتتايتىنىن ەسكەرسەك, قازاقستان كومپانيالارى يتالياندىق ساتىپ الۋشىلارعا ساپالى ەت جەتكىزە الار ەدى.

2024 جىلعى قاڭتاردا قازاقستان مەن يتاليا مەملەكەت باسشىلارى اراسىندا قول جەتكىزىلگەن كەلىسىمدەر جالعاسىندا ارمان شاققاليەۆ «Made in Kazakhstan with Italy» بىرىڭعاي تۇجىرىمداماسىن قۇرۋ جانە ىلگەرىلەتۋ ماسەلەسىن پىسىقتاۋدى ۇسىندى. بۇل ساۋدا ماركاسىن يتاليا مەن قازاقستاننىڭ شوب بىرلەسىپ شىعارعان تاۋارلار ءۇشىن پايدالانۋعا بولادى.

«ىشكى ءوندىرىستى ىنتالاندىرۋ ماقساتىندا ءبىز قازاقستاندا شىعارىلعان تاۋارلار ءتىزىلىمىن ىسكە قوسۋدى جوسپارلاپ وتىرمىز. ول بارلىق مۇددەلى تاراپتارعا قولجەتىمدى بولادى جانە قازاقستاندىق تاۋارلار تۋرالى مالىمەتتەردىڭ جالعىز دەرەككوزىنە اينالادى. وسى تىزىلىمدەگى تاۋارلار مەملەكەتتىك قولداۋ الۋعا قۇقىلى بولادى», دەدى قازاقستاننىڭ ساۋدا جانە ينتەگراتسيا ءمينيسترى.

كاسىپكەرلىك جانە ءونىم ىستەرى ءمينيسترى ادولفو ۋرسو Made in Italy تۇجىرىمداماسى بۇگىندە ءونىمدى جاھاندىق سايكەستەندىرۋ, تۇراقتى تاۋار, «ساپاسى جاقسى», «تانىمال» ۇعىمدارىن قامتيتىن الەۋمەتتىك تۇراقتىلىق تۋرالى ەكەنىن اتاپ ءوتتى. ول بىرىڭعاي برەند قۇرۋ باستامانى قولدادى. ءمينيستردىڭ پىكىرىنشە, ءوندىرۋشى «قازاقستاندا جاسالعان» بەلگىسىمەن ءونىم شىعارۋ ءۇشىن, ول, ءبىرىنشى كەزەكتە, كوپتەگەن باسقا برەندتەردەن ەرەكشەلەنۋ ءۇشىن ءوز ونىمدەرىنىڭ ەرەكشەلىكتەرىن اتاپ ءوتۋى كەرەك.

سول كۇنى ارمان شاققاليەۆ يتاليا مەملەكەتتىك حاتشىسى -  سىرتقى ىستەر جانە حالىقارالىق ىنتىماقتاستىق ءمينيسترىنىڭ ورىنباسارى ماريا تريپوديمەن كەلىسسوزدەر جۇرگىزدى.

تاراپتار ساۋدا-ەكونوميكالىق ىنتىماقتاستىقتى ودان ءارى دامىتۋ, سونداي-اق قازاقستان مەن يتاليا مەملەكەت باسشىلارى اراسىنداعى كەلىسىمدەر ءىس جۇزىندە ىسكە اسىرۋدى تالقىلادى.

تريپودي حانىم اتاپ وتكەندەي, شوب - بۇل قازاقستان ەكونوميكاسى سياقتى يتالياندىق كاسىپكەرلىكتىڭ نەگىزى دەپ اتاپ ءوتتى. وسىعان بايلانىستى كوپتەگەن سالالاردا كووپەراتسيالىق بايلانىستار ورناتۋدىڭ تاماشا قابىلەتى بار. سونداي-اق ءمينيستردىڭ ورىنباسارى ەكسپورت پەن ساۋدانى دامىتۋ جانە ىلگەرىلەتۋ ينستيتۋتتارى اراسىنداعى تىعىز ءوزارا ءىس-قيمىلدىڭ ماڭىزدىلىعىن اتاپ ءوتتى.

قول جەتكىزىلگەن كەلىسىمدەردى ىسكە اسىرۋ ۇكىمەتارالىق جۇمىس توبى شەڭبەرىندە جۇزەگە اسىرىلاتىن بولادى. سوڭىندا تاراپتار 2024 جىلعى مامىردا وتەتىن يتاليا+ورتالىق ازيا فورماتىندا مينيسترلىك كونفەرەنتسياسىن ۇيىمداستىرۋ مەن وتكىزۋدى تالقىلادى.