كارتينا قۇپياسى

رافاەل سانتي – رەنەسسانس سۋرەتشىلەرىنىڭ ءبىرى. حالىق ونى ميكەلاندجەلو, لەوناردو دا ۆينچيلەرمەن قاتار قويادى. نەبارى 37 جىل ءومىر ءسۇرىپ, سۋرەت الەمىنە 184 كارتينا سىيلاپ كەتكەن. بۇگىنگى اڭگىمەمىز ونىڭ تا­نىمال ەڭبەگىنىڭ ءبىرى  – «ما­دوننا جانە راۋشان» كارتيناسى تۋرالى بولماق.

برەدفورد ۋنيۆەرسيتەتىنىڭ عالىمدارى باستاعان ساراپشىلار توبى وسى كارتيناداعى اۋليە دجوزەفتىڭ بەتىن باس­قا سۋرەتشى سالعانىن انىق­تادى. زەرتتەۋ جاساندى سانا كو­مەگىمەن جۇرگىزىلگەن. ال سۋ­­رەتتىڭ قالعان بولىگىن را­فاەل­دىڭ ءوزى سالعانىنا جاساندى ينتەللەكت ەش كۇ­مان كەل­تىر­مەيدى. جۇمىس نا­تيجەلەرى «Heritage Science» جۋرنالىندا جاريالاندى.

عالىمدار ازىرلەگەن الگوريتم رافاەل ءسانتيدىڭ ءوزى سالعان تۋىندىلارىن 98 پا­يىز دالدىكپەن تاني الادى. بۇل الگوريتم سۋرەتشىنىڭ قىلقالامىنىڭ نەگىزىندە جا­سالعان. دەگەنمەن ونەر قۇ­پياسىن اشاتىن زەرتتەۋ ونەر­­تانۋشىلار تاراپىنان سىنعا ۇشىرادى. ال عا­لىمدار تەرىس پىكىر ەستى­گەن سايىن «كوم­پيۋ­تەرلىك ادىس­تەردى ودان ءارى جەتىل­دىرى­پ, ونەر سىرلارىن اشا تۇسەمىز» دەيدى.

– تالداۋ ماشينالىق وقىتۋ مەن وبەكتيۆتى جانە ساندىق ءتاسىل نەگىزىندە جاسالعان. را­فاەلدىڭ سۋرەتتەرىن قولدانا وتىرىپ, ونىڭ ءستيلىن, تۇستەر پاليتراسىنان, كولەڭكەلەردى جانە جۇمىستىڭ بارلىق اس­پەكتىلەرىن زەرتتەدىك. كوم­پيۋ­تەر ادامنىڭ كوزى­مەن سالىس­تىر­عاندا ميكروسكوپيالىق دەڭگەيدە كورەدى. وسى ال­گوريتم بولاشاق زەرتتەۋلەردە دە پايداسىن بەرەدى دەپ سە­نەمىز. جا­­ساندى ينتەللەكت ءومىر مەن ونەردىڭ قۇپياسىن ءالى دە اشا تۇسەدى, – دەيدى زەرتتەۋ جۇ­مى­سىنىڭ بىرلەسكەن تەل­اۆتورى حاسان ۋگايل.

بۇل زەرتتەۋدىڭ ناتيجەلەرى اۆتورلىق قۇقى تۋرالى شەشىم قابىل­داۋعا جەتكىلىكسىز. سەبەبى جا­سان­دى زيات ەسكەرمەگەن وزگە دە كوپ­تەگەن فاكتور بولۋى مۇمكىن.