استانادا LRT 17 مامىر كۇنى ىسكە قوسىلاتىن بولدى. ناقتى كۇندى قالالىق اكىمدىك جاريالادى, دەپ حابارلايدى Egemen.kz.
جولاقى قولما-قول جانە كارتامەن دە 200 تەڭگە بولادى. 7 مەن 18 جاس ارالىعىنداعى وقۋشىلارعا جانە استانادا تىركەلىپ, تۇراتىن جەڭىلدىك ساناتىنداعى ازاماتتارعا تەگىن جول ءجۇرۋ ساقتالادى.
LRT قالانىڭ نەگىزگى نۇكتەلەرى ارقىلى وتەدى: اۋەجاي, قابانباي باتىر داڭعىلى, «استانا جۇلدىزى» ستەللاسى, MEGA Silk Way, بوتانيكالىق باق, Abu Dhabi Plaza, مينيسترلىكتەر ءۇيى, ارىس كوپىرى, قالداياقوۆ كوشەسى, قازاقستان رەسپۋبليكاسىنىڭ ۇلتتىق مۋزەيى جانە نۇرلى جول ۆوكزالى.
LRT جولاقىسى قىمباتتاي ما: اكىمدىك جاۋاپ بەردى
پويىزدار كۇن سايىن تاڭعى 06:00-دەن كەشكى 23:00-گە دەيىن قاتىنايدى. جەلىدەگى قوزعالىسقا 15 پويىز شىعارىلادى, تاعى ءتورت قۇرام رەزەرۆتە بولادى. قوزعالىس جىلدامدىعى ساعاتىنا 60 شاقىرىمعا دەيىن جەتەدى. ءبىر پويىز 600-دەن اسا جولاۋشىنى تاسىمالدايدى.
اۆتوبۋسپەن 1,5 ساعات: LRT ارقىلى اۋەجايدان ۆوكزالعا دەيىن قانشا ۋاقىتتا جەتۋگە بولادى؟