استاناداعى كىشى تالدىكول اۋماعىندا ەكوپارك سالۋ جوباسى بيىل باستالادى. بۇل تۋرالى ۇكىمەت وتىرىسىندا ەلوردا اكىمىنىڭ ورىنباسارى ەرسىن وتەباەۆ ايتتى, دەپ حابارلايدى Egemen.kz.
ونىڭ ايتۋىنشا, جوباعا قاتىستى جوبالىق-سمەتالىق قۇجاتتاما دايىندالىپ, مەردىگەر كومپانيا انىقتالعان. سونىمەن قاتار قۇرىلىسقا قاجەتتى قارجى دا قاراستىرىلعان.
«جوبانىڭ قۇنى – 4,5 ملرد تەڭگە. اڭگىمە كىشى تالدىكولدەگى №5 ۋچاسكە تۋرالى بولىپ وتىر. بيىل قۇرىلىس باستالادى دەپ ويلايمىن, ال كەلەسى جىلى اياقتالادى», دەدى ەرسىن وتەباەۆ.
شىعىس قازاقستان وبلىسىندا ءۇش ەكوپارك سالىنادى
ەسكە سالايىق, بۇعان دەيىن استانا اكىمى جەڭىس قاسىمبەك كىشى تالدىكول اۋماعىنداعى ەكوپارك قۇرىلىسى 2025 جىلعا اۋىستىرىلعانىن مالىمدەگەن بولاتىن. بۇدان بولەك جۋىردا ەلوردادا تاۋلىگىنە 1,5 مىڭ توننا قالدىق وڭدەيتىن ەكوپارك بوي كوتەرەتىندىگىن جازعان بولاتىنبىز.