LRT-نىڭ جولاقىسى 200 تەڭگە بولىپ بەكىتىلدى, باعانى كوتەرۋ ازىرگە جوسپاردا جوق. بۇل تۋرالى استانا قالاسى اكىمىنىڭ ورىنباسارى ەرسىن وتەباەۆ جاۋاپ بەردى, دەپ جازادى Egemen.kz.
ونىڭ ايتۋىنشا, ازىرگە تاريف وزگەرىسسىز قالادى. جوباعا سۋبسيديا ءبولۋ ماسەلەسى كەيىنىرەك قارالادى, ويتكەنى ماماندارعا باعىتتى تولىق سىناقتان وتكىزۋ ءۇشىن ۋاقىت قاجەت.
«جولاقى قۇنى ازىرگە بەكىتىلگەن دەڭگەيدە قالادى. قوعامدىق كولىك باعىتتارىنىڭ جەلىسى ءاردايىم ءوزىن-ءوزى اقتاي بەرمەيدى, ونىڭ الەۋمەتتىك ماڭىزى بار. سوندىقتان قازىرگى تاڭدا جوبا تابىستىلىعى تۋرالى ايتۋ ءالى ەرتە», دەدى ە. وتەباەۆ ۇكىمەت كۋلۋارىندا.
جولاقى قۇنىن جەلى باعىتىن قوسشىعا دەيىن ۇزارتقاننان كەيىن دە كوتەرۋ جوسپارلانىپ وتىرعان جوق. بۇل باعىتتى الداعى ءۇش جىل ىشىندە ىسكە قوسۋى مۇمكىن.
اۆتوبۋسپەن 1,5 ساعات: LRT ارقىلى اۋەجايدان ۆوكزالعا دەيىن قانشا ۋاقىتتا جەتۋگە بولادى؟سونىمەن قاتار اكىم ورىنباسارى اۆتوبۋس تاسىمالى تاريفتەرى تۋرالى دا پىكىر ءبىلدىردى. قازىرگى قولدانىستاعى باعىتتار بويىنشا جولاقىنى ازىرگە كوتەرۋ جوسپارلانباعان, دەگەنمەن بولاشاقتا وزگەرىستەر بولۋى مۇمكىن. قالا ماڭىنداعى باعىتتاردىڭ ءتاريفى قالالىق باعىتتارعا قاراعاندا جوعارى, بىراق ولار بۇرىننان بەكىتىلگەن. ال سۋبسيديا كولەمى تەك بەلگىلى ءبىر فاكتورلاردى ەسكەرە وتىرىپ وزگەرتىلەدى.
بۇعان دەيىن استاناداعى LRT قۇرىلىسىنا قانشا قارجى جۇمسالعانى تۋرالى جازعان بولاتىنبىز.