ساتباەۆ قالاسىندا باسپانا كەزەگىندە تۇرعان ازاماتتارعا جاڭا تۇرعىن ءۇيدىڭ كىلتى تابىستالدى. جالپى اۋدانى 2000 شارشى مەترگە جۋىق بولاتىن بەس قاباتتى 30 پاتەرلى تۇرعىن ءۇي ەل يگىلىگىنە بەرىلدى, دەپ جازادى Egemen.kz.
قونىس يەلەرىن قۇتتىقتاعان ۇلىتاۋ وبلىسىنىڭ اكىمى داستان رىسپەكوۆ وڭىردە حالىقتى جايلى باسپانامەن قامتاماسىز ەتۋ باعىتىنداعى جۇمىستار جۇيەلى تۇردە جالعاسىپ جاتقانىن اتاپ ءوتتى. سونداي-اق تۇرعىن ءۇي قۇرىلىسىنا جەرگىلىكتى بيۋدجەتپەن قاتار ينۆەستيتسيالىق مۇمكىندىكتەر دە كەڭىنەن تارتىلىپ جاتقانىن جەتكىزدى.
«وبلىسىمىز قۇرىلعان ۋاقىتتان بەرى 365 مىڭ شارشى مەترگە جۋىق تۇرعىن ءۇي پايدالانۋعا بەرىلدى. ال بيىل 100 مىڭ شارشى مەترگە جۋىق باسپانانىڭ قۇرىلىسى اياقتالادى دەپ كۇتىلەدى. بۇل تاعى 800-دەن استام وتباسىنىڭ جاڭا قونىسقا يە بولۋىنا مۇمكىندىك بەرەدى. وسىنداي اۋقىمدى جۇمىستاردىڭ ناتيجەسىندە ءوڭىرىمىز بيىلعى قاڭتار-ناۋرىز ايلارىنداعى رەسپۋبليكالىق كورسەتكىش بويىنشا قۇرىلىس كولەمىنىڭ ءوسىمى جونىنەن كوشباسشىلار قاتارىنان كورىندى», دەدى وبلىس اكىمى.
ۇلىتاۋدا جاڭا سپورتتىق ۆوركاۋت الاڭى اشىلدى
باسپانالى بولعان وتباسىلار قۋانىشتارىن ءبولىسىپ, كورسەتىلىپ جاتقان قولداۋ ءۇشىن ريزاشىلىقتارىن ءبىلدىردى.
ۇلىتاۋ وبلىسىندا تۇرعىن ءۇي قۇرىلىسى جىل سايىن قارقىندى دامىپ كەلەدى.
ۇلىتاۋ وبلىسى
3000 شاقىرىم جول: 76 جاستاعى اقساقال ۇلىتاۋدان پاريجگە جاياۋ باردى