قازاقستان حالىقارالىق ىنتىماقتاستىق اياسىندا يران يسلام رەسپۋبليكاسىنا گۋمانيتارلىق كومەك جىبەردى. جۇك قۇرامىندا ازىق-ت ۇلىك ونىمدەرى مەن ءدارى-دارمەكتەر بار, دەپ حابارلايدى Egemen.kz.
ءتيىستى شارا قازاقستاننىڭ حالىقارالىق دامۋ اگەنتتىگى KazAID ارقىلى سىرتقى ىستەر مينيسترلىگى, توتەنشە جاعدايلار مينيسترلىگى جانە دەنساۋلىق ساقتاۋ مينيسترلىگىمەن بىرلەسىپ ۇيىمداستىرىلدى.
يرانعا جالپى جۇك تيەلگەن 30 ۆاگون جىبەرىلدى. گۋمانيتارلىق كومەك يران قىزىل جارتى اي قوعامىنا تابىستالادى.
«قازاقستان حالقىنان دوستاس يران حالقىنا بەرىلەتىن گۋمانيتارلىق كومەك – جاقىن كورشىلىك قارىم-قاتىناستاردى نىعايتۋ جانە ءوزارا قولداۋدى كۇشەيتۋ جونىندەگى جۇيەلى جۇمىستىڭ ءبىر بولىگى», دەلىنگەن حابارلامادا.
يران قىتاي كەمەلەرىنە ورمۇز بۇعازى ارقىلى وتۋگە رۇقسات بەردى
KazAID – قازاقستاننىڭ حالىقارالىق دامۋ سالاسىنداعى رەسمي كومەك وپەراتورى سانالادى جانە سىرتقى ىستەر مينيسترلىگىنە قاراستى مەكەمە رەتىندە مەملەكەتتىك ساياساتتى جۇزەگە اسىرادى. بۇعان دەيىن ءازىربايجاننىڭ يرانعا گۋمانيتارلىق كومەك جىبەرگەنىن جازعان ەدىك.