نيدەرلاندتىڭ تيلبۋرگ قالاسىندا Challenge Cup ءتۋرنيرى ءوتتى. بۇل جارىستا قازاقستاننىڭ ەڭ ۇزدىك مانەرلەپ سىرعاناۋشىسى ميحايل شايدوروۆ ونەر كورسەتتى.
وسىدان ەكى جىل بۇرىن جاستار اراسىنداعى الەم بىرىنشىلىگىندە كۇمىس مەدالدى يەلەنگەن 19 جاستاعى الماتىنىڭ تۋماسى ەرەسەكتەر دۋىندا دا ءوزىن جاقسى قىرىنان كورسەتىپ ءجۇر. قىزعالداقتار ەلىندە شايدوروۆ اسقان شەبەرلىك تانىتىپ, قالىڭ كورەرمەننىڭ قوشەمەتىنە بولەندى. قىسقا باعدارلامانى (85.75 ۇپاي) ەكىنشى ورىنمەن قورىتىندىلاعان ول ەركىن جاتتىعۋدا (270.59 ۇپاي) الدىنا جان سالمادى. ناتيجەسىندە, باس جۇلدە جەرلەسىمىزگە بۇيىردى.
جاپونيانىڭ قوس مىقتىسى – دۇنيەجۇزىلىك ۋنيۆەرسيادانىڭ كۇمىس جۇلدەگەرى تاتسۋيا تسۋبوي مەن كوماندالىق الەم چەمپيوناتىنىڭ قولا جۇلدەگەرى كازۋكي تومونو تيلبۋرگتە كۇمىس پەن قولا مەدالدى قاناعات تۇتۋعا ءماجبۇر بولدى.