فوتو: Depositphotos.com
«الاتاۋ جارىق كومپانياسى» اق مالىمەتىنشە, جاريالانعان كەستە بۇكىل اۋدان جارىقسىز قالادى دەگەندى بىلدىرمەيدى. جوندەۋ جۇمىستارى ناقتى ۋچاسكەلەردە عانا جۇرگىزىلەدى, ال ەلەكتر قۋاتىن تولىق ءوشىرۋ تەك ابونەنتتەردى رەزەرۆتىك جەلىگە اۋىستىرۋ مۇمكىن بولماعان جاعدايدا ىسكە اسادى.
18 مامىر كۇنى ساعات 08:00 – 17:00 ارالىعىندا كوكقاينار, ايگەرىم-1, شاڭىراق-1, اقجار, تاۋسامالى, الماگۇل, گورنىي گيگانت شاعىناۋداندارىندا جانە رايىمبەك داڭعىلى, جاندوسوۆ, گاگارين, روزىباكيەۆ, شەۆچەنكو, ساتباەۆ, تۇرعىت ءوزال كوشەلەرى ماڭىندا جوندەۋ جۇمىستارى جوسپارلانعان.
19 مامىردا كوكقاينار, ايگەرىم, اقجار, دوستىق شاعىناۋداندارى مەن 8-شاعىناۋدان اۋماعىندا ۋاقىتشا شەكتەۋلەر بولۋى ىقتيمال.
20 مامىر كۇنى جوندەۋ جۇمىستارىنىڭ اۋقىمى كەڭەيەدى. ەلەكتر جەلىلەرىن جاڭارتۋ كوكقاينار, ايگەرىم-1, شاڭىراق-1, ۇلجان-2, تەرەكتى, تاۋسامالى, اقجار, باعاناشىل, نۇر الاتاۋ, اقساي-5 شاعىناۋداندارىندا, سونداي-اق ءال-فارابي, دوستىق داڭعىلدارى مەن كەرەي-جانىبەك حاندار كوشەسى اۋماعىندا جۇرگىزىلەدى.
21 مامىردا كوكقاينار, شاڭىراق-1, ۇلجان-2, قالقامان-2, تاۋسامالى, اقجار, كوكتوبە-2 شاعىناۋداندارى مەن جاندوسوۆ, ايمانوۆ, تولە بي, اۋەزوۆ, ساتباەۆ كوشەلەرى ماڭىندا جوسپارلى جۇمىستار وتەدى.
22 مامىر كۇنى اقجار, تاۋسامالى, ماياك, كوكقاينار, ايگەرىم شاعىناۋداندارى, سونداي-اق ءال-فارابي داڭعىلى, بوگەنباي باتىر, قابانباي باتىر, شەۆچەنكو, تولە بي كوشەلەرى اۋماعىندا جوندەۋ جۇمىستارى جالعاسادى.
تولىق مەكەنجايلار ءتىزىمى «الاتاۋ جارىق كومپانياسى» اق-نىڭ رەسمي سايتىندا جاريالانعان.
كومپانيا تۇرعىندارعا ۋاقىتشا قولايسىزدىقتارعا تۇسىنىستىكپەن قاراۋدى سۇرادى.
