بۇل قازاقستاندا ەندى عانا دامىپ كەلە جاتقان سپورت ءتۇرىنىڭ ءبىرى. استانادا ءوتىپ جاتقان جارىسقا ەلىمىزدىڭ ءار وڭىرىنەن بارلىعى 200-دەن استام قاتىسۋشى كەلگەن, ولاردىڭ كوبى اسكەريلەر, دەپ حابارلايدى Egemen.kz.
استانا قالاسىنىڭ دەنە شىنىقتىرۋ جانە سپورت باسقارماسىنىڭ ءباسپاسوز قىزمەتىنىڭ ءمالىم ەتۋىنشە, اتالعان سپورت ءتۇرىنىڭ ەرەكشەلىگى, نىسانالاردى ءبىر ورىننان تۇرىپ ەمەس, جۇگىرىپ ءجۇرىپ اتۋ كەرەك. ياعني كەز كەلگەن بۇرىشتان وق جاۋدىرىپ, جاتتىعۋدى جىلدام ورىنداپ شىعۋ قاجەت. بۇنداي جارىسقا قاتىسۋ ءۇشىن بىرقاتار انىقتامالار جانە قارۋ قولدانۋعا رۇقساتناما قۇجات قاجەت. سوندىقتان دا اتالعان تۋرنيرگە قاتىسۋشىلاردىڭ كوبى اسكەريلەر, دەگەنمەن, قاتىسۋشىلاردىڭ اراسىندا باسقا سالاداعىلار دا بار. مەرگەندىك پەن شاپشاڭدىق سىنالاتىن تۋرنيرگە قاتىسۋشىلار «باستىسى جەڭىس ەمەس, سايىستىڭ ادرەنالينىن سەزىنۋ» دەيدى.