بۇگىن ساعات 09:30-داعى جاعداي بويىنشا اۋا رايىنىڭ قولايسىزدىعىنا بايلانىستى 3 وبلىستا رەسپۋبليكالىق ماڭىزى بار 3 اۆتوجولدا بارلىق كولىك تۇرلەرى ءۇشىن قوزعالىسقا شەكتەۋ ەنگىزىلدى, دەپ حابارلايدى Egemen.kz «قازاۆتوجول» مالىمەتىنە سىلتەمە جاساپ.
جەتىسۋ وبلىسىندا - جالپى ۇزىندىعى 100 شاقىرىمدى قۇرايتىن 1 اۆتوجول (شەكتەۋلى كورىنىس, بوران) ء«ۇشارال-دوستىق» – كوكتۋما بەكەتىنەن دوستىق بەكەتىنە دەيىن.
قوستاناي وبلىسىندا – جالپى ۇزىندىعى 83 شاقىرىمدى قۇرايتىن 1 اۆتوجول ( ۇلىتاۋ وبلىسىنداعى اۋا رايىنىڭ قولايسىزدىعىنا بايلانىستى) «جەزقازعان-پەتروپاۆل» – ۇلىتاۋ وبلىسى شەكاراسىنان-ارقالىق قالاسىنا دەيىن.
ۇلىتاۋ وبلىسىندا – جالپى ۇزىندىعى 115 شاقىرىمدى قۇرايتىن 1 اۆتوجولدا (ەكپىندى جەل, اۋا تەمپەراتۋراسىنىڭ تومەندەۋى) «جەزقازعان-پەتروپاۆل» – ۇلىتاۋ كەنتىنەن-قوستاناي وبلىسى شەكاراسىنا دەيىن.
قازىرگى ۋاقىتتا رەسپۋبليكالىق ماڭىزى بار اۆتوجولداردى قىسقى كۇتىپ – ۇستاۋعا 387 بىرلىك تەحنيكا جانە 796 جولشى جۇمىلدىرىلعان.