اسىل تۇقىمدى مال سانى كوبەيدى

بۇعان دەيىن 1 500 باس سيىرى بار شارۋاشىلىققا وتكەن جىلدىڭ قىركۇيەك ايىندا ەس­تو­نيا مەن نيدەرلاندتان اسىل تۇقىمدى 1 300 باس گولشتەين قۇ­نا­­جىنى جەتكىزىلگەن. جاۋاپ­تى­­لاردىڭ ايتۋىنشا, ءاربى­رى­نىڭ قۇنى 1 ميلليون 358 مىڭ تەڭگە. ال مۇنداي قوماقتى قارجى­نى شارۋاشىلىق «قوناەۆ» الەۋ­مەت­تىك كاسىپكەرلىك كورپوراتسيا­سى (اكك) ارقىلى تومەن پا­يىز­بەن الىپ, يگىلىگىن كورىپ وتىر. اتالعان شارۋاشىلىقتا 210 ادام تۇراقتى ەڭبەك ەتەدى.

مەملەكەتتىك قولداۋعا يە بول­عان شار­ۋا­شىلىق اسىل تۇقىمدى ءىرى قارا سانىن كوبەيتۋ ارقىلى ءوڭىر­دىڭ ءسۇت ءوندىرۋ الەۋەتىن ارتتىرا تۇسپەك. مۇندا شارۋالار پايىزى تومەن نەسيە الۋمەن قاتار 40 پايىزدىق سۋبسيدياعا قول جەتكىزەدى.

«اسىل تۇقىمدى مال باسىن كوبەيتىپ, كاسىپكەرلىكتى كەڭەيتۋ ماق­ساتىندا 1,8 ملرد تەڭگەگە ين­ۆەس­­­تيتسيا تارتىپ, 3,5 پايىزبەن «قوناەۆ» اكك ارقىلى ليزينگكە وسى 1 300 باستى الدىق. ۇرىقتانىپ كەل­گەن قۇناجىنداردىڭ جار­تىسىنا جۋىعى بۇزاۋلادى. ءسۇتتى سيىرلاردان كۇنىنە ورتاشا ەسەپپەن 24-25 ليتر شاماسىندا ءسۇت ساۋىلادى. وسى ۋاقىتتا ءسۇت وڭ­دەي­­تىن «فۋد-ماستەر» كاسىپور­نى­­نا تاۋلىگىنە 18-20 توننا ءسۇت جونەلتىپ وتىرمىز. بولاشاقتا بۇل كورسەتكىشتى تاۋلىگىنە 100 تون­­ناعا دەيىن جەتكىزسەك دەگەن ويىمىز بار. شارۋاشىلىق قاراماعىندا تالعار اۋدانىندا 800 گەكتار سۋارمالى, سونداي-اق شەڭگەلدى ماسسيۆىندە مىڭ گەكتارعا جۋىق جەرىمىز بار. وسى جەر­لەردى يگەرۋ ارقىلى مال ازى­عى­نىڭ بەرىك قورىن جاساپ, جەمشوپپەن جەتكىلىكتى مولشەردە قامتاماسىز ەتىپ كەلەمىز», دەيدى «الماتى» اسىل تۇقىم­دى اۋىل شار­ۋا­شىلىعى كووپەرا­تي­ۆى­نىڭ اتقارۋشى ديرەكتورى رۇستەم احمەتجانوۆ.

تالاپقا ساي جابدىقتالعان قورا­جايدا قۇنارلى ازىقپەن قام­تىل­عان ساۋىن سيىرلاردىڭ جاس تولدەرىنە دە ايرىقشا كۇتىم جاسالىپ جاتىر.

ۋىزعا جارىعان مالدىڭ كۇيى جاقسى بولارى بەسەنەدەن بەل­گىلى. سول سەبەپتى جاڭا تۋعان بۇ­زاۋ­­­­­­لارعا العاشقى ونكۇندىكتە سيىر­­­­­دىڭ ءوز ۋىزى بەرىلەدى ەكەن. ودان كەيىن ءۇش ۋاقىت 2 ليتردەن جىلى­­تىلعان ءسۇت بەرىپ, ەرەكشە كۇتىم جاسالاتىنىن اتالعان شارۋا­شىلىقتىڭ مامانى ديدار بايسۋانوۆ تىلگە تيەك ەتتى.

بۇگىندە تالعار اۋدانى بو­­يىنشا «اميران», «بايسەركە اگرو», «الماتى» اسىل تۇقىمدى اۋىل­­شارۋاشىلىق كووپەراتيۆى سىندى ءۇش ءىرى شارۋاشىلىقتا 7 مىڭ باس اسىل تۇقىمدى ساۋىن سيىر بار.

«اتالعان شارۋاشىلىققا ال­داعى ۋاقىتتا جارتى ملرد تەڭ­گە­گە دەيىن سۋبسيديا بەرۋ كوز­دە­لىپ وتىر. قازىر قۇجاتتارى ازىر­لەنىپ جاتىر. مەملەكەتتىك قول­داۋدىڭ ناتيجەسىندە شارۋا­شى­­لىقتاردىڭ ءونىم كولەمى ارتىپ, ىرگەسى كەڭەيىپ كەلەدى. بۇل ءوز كەزەگىندە تابيعي ءسۇت ونىمدەرىن وڭدەۋ كاسىپ­ورىن­دا­رىنىڭ قۋاتتىلىعىن ارت­تىرۋعا سەپ­تىگىن تيگىزەرى ءسوزسىز», دەيدى تالعار اۋدانىنىڭ اكىمى تانات ايداربەكوۆ.

اۋدان اكىمىنىڭ سوزىنشە, تالعار اۋدانى نۇرا اۋىلىندا مىڭ باسقا ارنالعان تاعى ءبىر تاۋار­لى-ءسۇت فەرماسىن اشۋ جوس­پار­­لانىپ, قۇرىلىس جۇمىستارى باس­­تالعان.

بۇعان قوسا «الەل-اگرو» قۇس فەرماسىنا 285 مىڭ بالاپان اكەلىنگەن. سونىمەن قاتار سۋ ۇنەم­دەۋ ماقساتىندا 3 500 گەكتار جەر­دى تامشىلاتىپ سۋارۋ ادىسىنە كوشىرۋ كوزدەلگەن. بۇعان دەيىن ونىڭ كولەمى مىڭ گەكتار شاماسىندا عانا ەكەندىگىن ايتقان اۋدان اكىمى اۋىل شارۋاشىلىعى سالاسىن جان­داندىرۋ جۇمىستارى جالعاسا بەرە­تىن­دىگىن جەتكىزدى.

الماتى وبلىسى