Hyundai Motor Company باسشىسى نۇرلان سماعۇلوۆپەن الماتىدا كەزدەستى

«استانا موتورس» باسشىسى نۇرلان سماعۇلوۆ پەن Hyundai Motor Company پرەزيدەنتى دجەحۋن چانگ كەزدەستى.

دۇيسەنبى, 19 اقپان كۇنى قازاقستانعا Hyundai Motor Company پرەزيدەنتى ءارى جاھاندىق باس ديرەكتورى دجەحۋن چانگ (Jaehoon Chang) باستاعان كورەيالىق اۆتوموبيل ونەركاسىبى كوشباسشىلارىنىڭ دەلەگاتسياسى كەلدى. Hyundai باسشىسى قازاقستانعا العاش رەت كەلىپ وتىر.

دەلەگاتسيا قۇرامىندا جاھاندىق نارىق جونىندەگى وپەراتسيالار ءبولىمىنىڭ باسشىسى لي يونحو, قىتايداعى بيزنەس بولىمشەسىنىڭ باسشىسى و يككيۋن, تمد جانە ورتالىق ازيا ەلدەرىنىڭ باسشىسى لي ۋك پەن بىرگە Hyundai Motor Company كومپانياسىنىڭ الەمدىك نارىقتاعى باسقا دا وكىلدەرى بولدى.

مارتەبەلى دەلەگاتسيانىڭ بۇل ساپارداعىماقساتى – الماتىداعى Hyundai Trans Kazakhstan(«استانا موتورس») زاۋىتىنا بارىپ, وعان قوسا «استانا موتورس» كومپانياسىنىڭ نەگىزىن قالاعاننۇرلان سماعۇلوۆپەن بىرگە زاۋىتتىڭ دامۋ كەلەشەگىن جان-جاقتى تالقىلاۋ ەدى. كەزدەسۋدىڭ وزەگى –  اۆتوكولىكتەردى قۇراستىرۋدا شاناقتى دانەكەرلەۋ جانە بوياۋ ادىسىمەن شىعارىلاتىن اۆتوكولىكتەر سانىن 100%-عا بىرتە-بىرتە جەتكىزۋ جانە اۆتوبولشەكتەردى قازاقستاندا شىعارۋ ءۇشىن جۇمىس ىستەپ تۇرعان زاۋىت اياسىن كەڭەيتۋ بولدى.

«Hyundai برەندى 2023 جىلى قازاقستاندا تاماشا ناتيجەلەرگە قول جەتكىزىپ, قازاقستانداعى جەڭىل اۆتوكولىكتەردى ءوندىرۋ (48 857 بىرلىك) مەن ساتۋدا (46 725 بىرلىك) ءبىرىنشى ورىنعا شىقتى.

قازىر Hyundai-دىڭ قازاقستانداعى ۇلەسى جالپى اۆتوموبيل نارىعىنىڭ 24%-ىن قۇرايدى. وسى ورايدا, Hyundai Motor Company جانە دجەحۋن چانگتىڭ ءوزى قازاقستاندىق نارىق پەن ەلىمىزدەگى اۆتوموبيل ونەركاسىبىنىڭ دامۋىنا ەرەكشە كوڭىل ءبولىپ وتىر.

ءبىز وسى زاۋىتتى ورنىقتىرا ءتۇسۋ ءۇشىن ناقتى قادامداردى تالقىلادىق, اۆتوكولىك بولشەكتەرىن – ورىندىقتاردى, پلاستيكالىق بولشەكتەردى, مۋلتيمەديالىق جۇيەلەردى شىعاراتىن تسەحتاردىڭ قۇرىلىس الاڭدارىن ارالادىق», دەدى نۇرلان سماعۇلوۆ.

ءوز كەزەگىندە Hyundai Motor Company پرەزيدەنتى اۆتوموبيل ونەركاسىبىن دامىتۋداجاسالىپ جاتقان يگى قادامداردى ماقۇلداپ, Hyundai Trans Kazakhstan زاۋىتى قىسقا مەرزىمدە جوعارى پايىزدى لوكاليزاتسيامەن جەرگىلىكتى ۇلەستى ارتتىرۋعا كوشۋى ءۇشىن Astana Motors كومپانياسىنا جان-جاقتى قولداۋ كورسەتۋ جونىندە ناقتى تاپسىرمالار بەردى.

ء«بىز قازاقستان مەن «استانا موتورس» كومپانياسىنىڭ قازاقستاندا اۆتوموبيل ونەركاسىبىن جانە Hyundai برەندىن دامىتۋ جونىندەگى ارەكەتىن جوعارى باعالايمىز. ءبىز جۋىرداالماتىداعى زاۋىتتاعى ءوندىرىستى كەڭەيتۋ مەن تەرەڭدەتۋگە كومەكتەسۋ ءۇشىن Hyundai Motor Company كومپانياسىنىڭ ينجەنەرلىك توبىن قازاقستانعا جىبەرۋدى كوزدەپ وتىرمىز», دەدى دجەحۋن چانگ.

جالپى Hyundai Motor Company قازاقستاندا ورنالاسقان زاۋىتقا تەحنولوگيالار بەرىپ, تاجىريبەسىمەن بولىسۋگە دايىن.

وسى ارادا Hyundai Trans Kazakhstan جەڭىل كولىكتەر زاۋىتى 2020 جىلدان بەرى جۇمىس ىستەپ كەلە جاتقانىن, 2023 جىلى 48 857 كولىك شىعارعانىن ايتا كەتۋ كەرەك. زاۋىت بىرتە-بىرتە ورنىعىپ, جەرگىلىكتى قامتۋدى ارتتىرىپ كەلەدى.

كاسىپورىننىڭ جالپى اۋماعى – 38 مىڭ شارشى مەتردى الىپ جاتىر. قازىرگى تاڭدا ءوندىرىس ورىندارى كەڭەيتىلىپ, شاعىن ءوندىرىستىڭ قۋاتتىلىعىن ارتتىرۋ مەن دانەكەرلەۋ جانە شاناعى بويالعان جاڭا ۇلگىلەردى ىسكە قوسۋ ءۇشىن وندىرىستىك تسەحتاردى جاڭعىرتۋعا دايىندىق جۇمىستارى جۇرگىزىلىپ جاتىر.

ال 2024 جىلى كاسىپورىننىڭ جالپى ءوندىرىس كولەمىنىڭ دانەكەرلەۋ جانە سىرلاۋىمەن ۇساقتۇيىندى وندىرىسكە 25%-ى, 2025 جىلى – 50%, ال 2027 جىلى 100% كوشەدى.

قازىرگى تاڭدا زاۋىتتا  Hyundai-دىڭ 10 مودەلى شىعارىلادى – i20, i30, Accent, Elantra, Sonata, Bayon, Tucson, Santa Fe, Palisade, Staria. 2023 جىلى زاۋىت جاڭارتىلعان Elantra مەن Sonata ۇلگىلەرىن شىعارا باستادى.

Hyundai Trans Kazakhstan زاۋىتى ماشينا جاساۋ سالاسىندا كادرلىق رەزەرۆتى قالىپتاستىرىپ وتىرعانىن دا ايتا كەتكەن ءجون. بۇگىنگى تاڭدا كومپانيادا 1289 ادام جۇمىس ىستەيدى.

ساپار بارىسىندا Hyundai Motor Company دەلەگاتسياسى جاس ينجەنەرلەردى, شەبەرلەر مەن زاۋىت جۇمىسشىلارىن ءبىلىم جانە تاجىريبە الماسۋ ءۇشىن ۋلسان قالاسىنداعى (كورەيا رەسپۋبليكاسى) زاۋىتقا شاقىردى.

2023 جىلى Hyundai Trans Kazakhstan زاۋىتى قازاقستاننىڭ جەتەكشى تەحنيكالىق وقۋ ورنى Satbayev University-مەن ىنتىماقتاستىق ورناتتى. ىنتىماقتاستىقتىڭ جول كارتاسى تەوريالىق,تاجىريبەلىك ءبىلىم بەرۋ باعدارلامالارىن ازىرلەۋدى, تالىمگەرلىك, ءدۋالدى وقىتۋ جۇيەسىن ەنگىزۋدى, «استانا موتورس» بازاسىندا ماشينا جاساۋ كافەدراسىنىڭ فيليالى مەن بىرلەسكەن عىلىمي-زەرتتەۋ جانە تاجىريبەلىك-كونسترۋكتورلىق جۇمىستارىن جۇزەگە اسىرۋ ءۇشىن زەرتتەۋ-ورتالىعىن قۇرۋدى كوزدەيدى.

Hyundai Motor Company ۋنيۆەرسيتەتپەنىنتىماقتاستىعىن جوعارى باعالاپ وتىر. سوندىقتان «استانا موتورس» كومپانياسىمەن بىرگە ستۋدەنتتەردى وقىتىپ, اۆتوموبيل ونەركاسىبى ءۇشىن كادرلاردى دايىنداۋدا وقۋ ماتەريالدارىن, كەسىلگەن ۇلگىلەردى, بولشەكتەر مەن توراپتاردىڭ ۇلگىلەرىن ۇسىنادى.

سول سياقتى اۆتوموبيل زاۋىتىنىڭ جانىنان اۆتوموبيل بولشەكتەرىن شىعاراتىن كاسىپورىندار كەشەنى (تەحنوپارك) سالىنىپ جاتىر.

الماتىداعى تەحنوپارك قۇرىلىسىنا سالىنعان ينۆەستيتسيانىڭ كولەمى شامامەن 12,4 ملرد تەڭگەنى قۇرايدى. كاسىپورىنداردى ىسكە قوسۋ 2024 جىلدىڭ سوڭىنا جوسپارلانعان. اۆتوكولىك بولشەكتەرىن شىعاراتىن ءۇش كاسىپورىندا 400-دەن استام مامان جۇمىس ىستەيدى دەپ جوسپارلانعان.

Hyundai Motor Company پرەزيدەنتىنىڭ وسى ءىسساپارى قازاقستاننىڭ الەمدىك اۆتوموبيل ونەركاسىبىنىڭ ماڭىزدى قاتىسۋشىسىنا اينالىپ كەلە جاتقانىن ايعاقتايدى. كاسىپورىنداردىڭ توپ-مەنەدجەرلەرىنە زاۋىتتى ورنىقتىرا تۇسۋگە جانە جەرگىلىكتى ۇلەستى ارتتىرۋ جونىندە ناقتى تاپسىرمالار بەرىلدى.